我hum親霍景良

7月28日 石湖圍外景
搭梗24人van時
由於只有半個位坐
由於太過眼訓
由於我坐唔穩
個額頭一野hum左落霍景良隻手臂度
呢一個moment
我覺得好值得紀念
well...

7月29日
我又做錯野 唉

7月30日
竟然有假放
朝早請爸爸媽媽家姐飲茶
中午同左多多華梅同宋 依 洛 同學食飯
新港三樓的「儂」京川滬菜館
緊接haagen-daz
好飽呀
講起彈下彈下o個位同學
鄭秀文眉o個位同學
同埋做獨家o個位同學
講左十次仍然係笑到收唔到聲

之後一個人行尖沙咀
結果買唔到想買的converse
但係最後一次用左學生証o係page one
買左一本林奕華
同埋一支muji筆
我唔可以再唔見原子筆!!


好大雨
一個人在人群中穿插的感覺
莫名

企穩

其實keep住呢種感覺
已經可以過得很好了
又何必諗得太多

好快我就ok架喇

目標

今日結繩話
我係咪應該唔再update你個od
我唔想架...

噚日同大佬同另一個導演食飯
居然講起人生抱負未來等等正經問題
佢問我有冇諗住做導演
我話冇諗過
佢即刻叫我唔好留低
o個一刻好令人反思

三個月內要知道自己真正的目標
呢個係短期內的人生目標





噚日雯華用好燦爛的笑容同我講約左男朋友食飯o個一刻
突然好想拍拖 :)
算吧啦



我好掛住大家

我唔係細路女

我唔係細路女呀
戒!!!

你的大腦是男還是女

160 分

結果說明:
多數男性的分數會分佈在 0 ~180 分之間
多數女性的分數會分布在 150 ~ 300 分之間
分數在 150 分到 180 分之間的人，
他的思考方式擁有兩性的特質他對男女都沒有偏見，
並在解決問題方面，反應會比較靈活，
找出最佳的解決方法不管男性或女性，
他都可以成為他們的好友.

bitches聚聚聚

10個人 勁
me
sofei
k
chunfa
siutung
gigi
tong
lamlunc
wat!!
noel!!!!!!!!!!!!!!!!

原本想抖下
但sofei話有10個人
「連noel都唻」
令我不得不出席
好在大佬放我走 hehe

放工時同大佬一齊搭地鐵
佢去旺角 但陪我搭港島線 勁好!!
講左一d屋企野
做PA 會斷六親 可見GE未來將會發生GE事... 唉

去左spaghetti house
食左好多pasta 呀 勁飽
勁講左一d career野
幾乎大家都有工做了
屈小姐做左國泰空姐 wow~

去左書展的哥哥買左勁多書
搞到我都好鬼想買書
食完飯一個人仆去天地
但關左門喇 一間書店都搵唔到
好想買at17的新書
好想買好多好多書
決定左聽朝早d去買書 wakaka

又俾人話我黑左
菲律賓林志玲墮馬的笑話 唉...
其實我唔係真係介意黑
只係唔想俾人話似賓妹.....

搭車番屋企時同李x萱小姐講左個電話
好想見面呀 好好好好想
又想見宋x洛喎


聽日番晏 yeah~

勁愛你

睇完maggie od
我就知我一定忍唔到手

夏天係屬於ocamp的
噚日坐公司車經過中大
望住 有D想喊
時間點解過得咁快

望住D buildings
硬係第一時間就諗起jlm ocamp
點解？


03年夏天充滿火ge我
呢排番左唻
:)

3日外景

連續開左三日外景
兩日古裝街
一日南生圍x荔枝園
每日訓3,4個鐘
每日暴晒左10幾個鐘之後
我想話
我好開心
真係架
尤其是噚日第一日正式出外景
唔再流連古裝街
覺得自己都算在狀態啦
開始識得o係人地嗌我做野前做左先
真係好鬼有滿足感
同埋開始同d演員+工作人員傾到計
唔再自自閉閉的感覺 超級好

噚日玩放白鴿
大家都好意外點解我會夠膽捉白鴿
不停咁話「女仔人家你都幾夠膽架喎」
勁強emphasize「女仔人家」
其實呢一行真係好gender biased
我會慢慢令佢地明白
我唔係o個d見到隻蜜蜂o係三里外就尖叫
拎少少野就嗌好辛苦
知道有鄭伊健探班就會帶定相機ge女仔
（導演話下次叫鄭伊健唻探班 叫我帶相機...
唔係呀ma.....）

不過讀左三年張佬後
對於每次搬搬抬抬都有人拎晒d野
叫我唔使幫手搬
或者只係叫我拎d勁輕ge野
真係好唔習慣
咁但係多人錫住我
都係一個不錯的經驗
咁大個女都未試過

又俾人話我黑
仲俾人直接問點解我咁似賓妹
shit...
「你係本身咁黑 定係入唻先係咁」
聽得最多的一句話
3日外景 又黑左




last but not the least
謠言的威力
多謝鄭雯華小姐話我知
好鬼得人驚

如果

同事們都話
我好靜
我唔講野
我講野細聲
我斯文
我怕醜
我唔似PA
我最多做到半年
我應該快D走
我應該轉部門
我唔適合做呢份工

第一日番工
我聽到覺得好好笑
我話假象唻GE
第二日番工
我仍然係笑笑口
第三日
第四日
第五日
然後我開始諗
我係咪唔適合
我係咪應該走

其實我做得好開心架
每一樣野都好新鮮
每一樣野我都好鍾意
每一日我都學到好多野
每一刻我都同自己講
我會好努力

噚晚講起抱負GE問題
大佬話 O係呢間公司
太多制度問題
會做到個人好FRUSTRATED
做到冇晒抱負
到時到候我就會明白
O個一刻
成個人DOWN左
我唔想講野唔想出聲唔想去諗
但係我不停咁諗
我好想問佢 如果係咁點解你會留低
最後我只係問左一句
你做左幾多年呀
8年
如果一份工令到你咁失望
點解你唔走
呢一句 我唔敢問出口
我好驚知道點解
我又好想知道點解
最後我都冇問到
繼續做野
但係心裡面繼續俾呢個問題縈繞住

RECALL番晒搵野做O個段日子
心裡面好多的憂慮
我好驚
好快我會發現
原來我
唔鍾意做PA
原來
我係真係唔適合
我唔想咁樣

我
想留低

20050717

上一次寫od原來已經係星期三喇... 救命
工作終於進入瘋狂狀態
連續兩晚開17-27
仲要星期五係10就番公司做野
踩到27先搭車番屋企
噚日就番14
踩到26搭車走
超級眼訓lor
發現我比較鍾意開外景
開廠其實有少少悶

前日o係公司撞到包
佢亂咁講野搞到我俾導演盤問左
勁搞笑lor
之後又見左易沛然同埋阿燕
夜晚就撞到華梅同學
所以超級開心呀


噚晚等演員的時候
聽左一d野
其實我可以樂觀d
但係o個一刻個人即刻down晒
開始有d驚 有d擔心
之後半晚有d心不在焉
好在都冇乜做錯野
要快d回復狀態
聽日開始連續三日外景
開06...

噚晚3點訓
今朝8點起身同屋企人飲茶
而家好眼訓
但係唔敢訓呀
我驚今晚訓唔著..

飛鵝山

終於都係忍唔住手log in打od

噚日番11 未夠18就走
結果今日連本帶利還番晒
雖則係咁話
其實噚日都做左好多野架
至於今日
又等到外景喇
朝早拍古裝街
下午上飛鵝山

我地套劇雖然唔係笑片
但d演員真係好搞笑
同埋仍然經常當我係小妹妹
噢my goddddddd
劇中有東南西北四角
佢地真人好鬼似秀才遇著兵的無事生非
午飯時間成班人連埋導演圍住唻嚇我
都幾係得人驚
個個都話 走啦 辭職啦
冇人捱到三年架 捱度o個d已經癲晒
其實我係癲架
佢地唔覺咋ma

繼某日俾演員話我可以替唐寧的wide shot
（留意 係wide shot 導演kk話 chiu, wide shot我替都得啦）
今日籌務哥哥話我似薛凱琪
sorry lor我好想死唔該
諗起都打冷震 可唔可以似第二個
仲有一個燈光叔叔話我做乜染藍d頭髮
其實只係燈光問題咋ma..

最hurt的仍然係
上左半日山
大佬晒到紅到燒豬咁
而我紅都冇紅過
番到公司就有兩個同事問我 點解好似冇晒過咁
咁我唯有係話
哦 咁我本身黑丫ma.....
shitttttttt

聽朝番10呀
好眼訓tim

飛鵝山個景
超靚
超級藍天白雲綠草如茵
好舒服ge天然風

...

留下 這醫不好的心漏
能讓我信我也有種幸福 差點到手
甜蜜試過 只是不夠

20050711

今日中午同一D同事去左將軍澳中心食飯
聽左一D野喎
我會做一個好PA!!!
一定要呀!!!

國籍問題

今次係問︰
「你... 係咪香港人呀？」
第七個喇!!
跟住佢再問︰
「咁你係咪住長洲？」
再追問︰
「你係咪"旦"家人呀？」
最後佢同大佬講︰
「下次爭個"旦"家妹可以搵你個2nd」

放假喇

聽日同後日放假 yeah!

好累呀
星期四拍野
今日就番唻做其他paper work
所以可以番11 :)

試左排第一次rundown
原來真係好複雜同埋好煩架喎
但係好有挑戰性
不過正如大佬所講
我唔係入唻學落單的
所以都係鍾意辛辛苦苦去拍野
但要等下星期二先再拍呀

今日發生好有趣的事
原來好多同事係會將車亂泊o係街
今朝突然有人大叫︰抄牌呀
跟住一堆人衝落去開走自己架車
今日抄左三輪
搞到佢地好忙
而drama dept身處的main block7樓
剛巧有一幅對住車場的落地玻璃
成為左睇戲的好地方
每當有人大叫抄牌
事不關己的都會跑去玻璃旁睇熱鬧 好有趣

今日同大佬 另一pa阿van同埋佢個導演adam
佢地討論好奇怪的題目
蚊 腳毛 海南雞飯
然後同adam的電話相認左
原來佢o個部都有頭20秒聽唔到對方講野的問題
原來係先天病唻架
o係canteen撞到阿香同另一yr2
當我同大佬講話係師妹的時候
佢話︰下？師妹？
我個樣都唔係咁似小妹妹je

之後在ed帶房撞到包!!!!
終於遇到喇 勁開心呀 於是又吹左一輪水
之後又勁撞到華梅喎
放工時仲要咁arm同一架車 哈哈
今晚可以7點走呀
於是出左九龍塘join莊員食生日飯
第三次同唐穎欣慶祝今年的生日
最後陳珍都係買左竹葉衫
嘩哈哈
食飯時講左好多番工野
先發覺原來我好鍾意我份工呀
佢地個個都話我好開心

但係佢地亦為我的國籍問題而笑死左
仲有同事們話我斯文亦令佢地surpise到爆
今日勁開心!!!

聽日本身放假的
但係決定番去睇大佬ed隨時候命

開拍日

第一日拍野
亦係我地套劇的開工日
未夠0630就番到公司
大佬對於我的準時似乎十分意外 哈哈
我都話左我唔係一個遲到人

拎埋d野落去化妝間
演員化梗妝
大佬call未到的人
之後同演員一齊坐車過古裝街
終於見到導演了
導演係一個唔太高的光頭粗框眼鏡人
佢好搞笑的
同大佬兩個吹水吹個不停

第一次拍野 超級興奮呀
拜完神就一路跟住大佬同埋導演周圍走
導演好導演架
好似好無唻搭sap咁
但又好似好prepared
佢話佢噚晚一拎起份劇本就決定都係睇碟
但係又可以拍得好快好順利架喎 超勁
勁under左一個多鐘
本身要1330先完的上午
1200就完左
1210已經坐o係canteen食飯lu

食飯的時候同導演大佬劇務同埋演員坐
ok ok 番工三日
已經有六個人問我點解咁黑
又或者係質疑我的國籍
係真質疑的 o my god!!
食飯時劇務哥哥同馬浚偉爭論到底我係 澳門香港混血
定係泰國香港混血
(噚日已經有個叔叔問我係咪有d菲律賓或泰國血統)
我覺得好hurt lor
當我澄清我係香港人時
馬浚偉係突登問多一次「真係？」
係真問架 ...... 好慘呀
仲要我拍住一個晒極唔黑的大佬
佢勁白lor... 同埋勁笑我黑lor 哼
但係佢有死穴
就係經常俾人話似曹永廉
哈哈 即刻心涼番

下午繼續拍野
仲因為schedule可以加拍多一場run down冇的戲
超勁呢
之後因為等演員hea左成個鐘
6點幾先收工
去mark完戲服之後就上番office
搞左少少野就俾大佬趕左去搭車lu

今日係勁開心lor
但係番到屋企勁累呀
食完飯洗左碗
而家已經想訓覺喇...
但係我未沖涼同埋未做聽日拍野的功課
好在聽朝要上無聊新丁班
唔使開早
雖然俾我揀情願去拍野 hehe...

美中不足的是每日俾煙同埋粗口圍燒住
粗口我都忍到ge
同埋佢地都冇惡意 只係習慣同埋互相開玩笑
但係煙真係好勁呀
幾乎每一個人都食煙的
大佬話好在佢唔食 如果唔係我可以即時辭職了
都係ge...
今日仲勁俾人話我係做暑期工/intern
我唔會架!!
我一定會做到一個長工的!!

開工日

7月4日 第一個祝我開工大吉的人
凌晨4點打唻 哈哈
結果我矇矇矓矓地講左兩句 收左線
之後碌左好一陣先訓番

要多謝
amenda maggie 哥哥 dordor 糖 k iris
本來好緊張的 後來唔緊張lu

今日撞到好多人
o係人事部撞到都係今日番工的阿香
o係製作部撞到番intern的阿芬
lunch時o係canteen撞到2個yr 2
放工時又撞到沛然喎
同埋竟然撞到滕 麗 名 噢.......
下晝阿alice同學先番工咋
佢一行過唻就cum左我一巴（!!）
不過我同佢原來唔同team呀 可惡
我跟曾勵珍的team
星期三就開新劇喇
係馬浚偉的古裝 李添勝監製的
今日試造型時 全team同時都o係度
之後一齊去canteen食飯
監製請呀!!

今日跟一個叫阿傑的PA周圍去
睇左好多野呀
我諗佢以後都會係我大佬lu
佢勁好人同埋勁好笑
同埋看來係人緣極好的
所以都唔錯呀

by the way
今日番工已經有兩個同事問我
一個婉轉地 一個直接地
點 解 你 咁 黑 既 ?????
噢my god....
同埋勁想學某人的
有兩個「男」同事問我點解咁黑
不過我諗佢地都冇乜野ge
呵呵呵呵呵
好衰tim hehe

聽朝開11呀
wakakakaa

開工大吉

唔好落雨呀

為左張自力
我晚晚都好夜訓
但係為左減肥
我決定今晚早d訓
聽朝一早去游個最後的早水
希望聽日唔好落雨
如果唔係我會詛咒張自力

翠林商場一帶鼠患偏高

亞洲電視網上新聞
2005-06-30

食環署發現將軍澳翠林商場一帶鼠患偏高

食物環境衛生署發現，將軍澳翠林商場一帶的鼠患偏高，署方呼籲商場管理人員及商戶要注意垃圾房及後巷等衛生情況，採取防鼠措施。
在鼠患最嚴重的翠林商場，附近街市後巷、垃圾房衛生欠佳，堆積不少垃圾及雜物，渠蓋亦沒有蓋好，有商戶表示，附近經常見到老鼠：「起碼幾十隻，走來走去。」
有市民就表示，經常在溝渠內見到老鼠：「一些些啦，我們家暫時也沒有，但出來見到那些渠洞就有。」「它就堆存了比較多雜物，變了有些老鼠匿藏的地點存在了，此外我們又發現食物渣滓，例如在垃圾房沒有好好處理，讓老鼠提供了一些方便，容易找到食物的地方。」
食環署調查了全港十多個商場，發現過去數月，以將軍澳翠林商場一帶的鼠患偏高，鼠患參考指數是百分之二十四，其次是在置地廣場至中環中心一段的皇后大道中後巷，鼠患參考指數是百分之十七，屬中等級別。
食環署將會在下個月開始，在多個購物商場展開新一輪的防鼠工作。而截至今個月中，署方一共錄得十五宗與老鼠傳播的疾病，包括叢林斑疹傷寒、勾端螺旋體病等等。