火速救兵

本來應該寫左第一集嘅comment先

不過啱啱睇完第二集, keke~~

從消防屬員角度嚟睇

1. 教導市民用正確態度對待救護服務，good!

2. 救護車唔係的士, 救護員唔係醫院派嚟

3. 失眠係絕對唔應該叫的士架, 蛋散!

4. "打左999成10分鐘喇喎你地咁遲架!!" 你換件衫落樓下食大家樂連嗌野到有得食都唔止啦, pk!

5. "緊急輔助醫療救護服務"?? 係咁broadcast架咩??? 唔通轉左?

6. OVERDOSE嘅妹妹仔, 竟然冇警察到場??

7. 救護師兄們真係好辛苦, 所以通常佢地惡言相向五次, 我先會慶一次 ^^!

從一般觀眾角度嚟睇

1. 呢啲有親情嘅戲, 同埋一集一個單元, 比起第一集嘅雞精餐易消化好多

2. 會唔會有人失眠都叫救護車呀？各位觀眾︰係會架, 鼻塞呀, 俾紙界損手呀, 阿仔唔聽話呀, 我都收過 ^^

3. 點解救護車唔送人去私家醫院喎？ 唔係間間私家都有24小時門診架and救護員係救你條命, 唔係幫你諗邊間醫院d床舒服啲~ 同埋唔該，我地冇收你錢架!! d錢係急症室收架咋~~~

4. 有時間食tea都唔係好忙啫？ 多數係連飯都未食, 留意canteen嗰場戲佢加左個微波爐叮野嘅細節位, 好可能個麵係佢個lunch!!

5. 同阿伯做CPR時, 個位唔啱囉 ^^!! 我知唔可以真搓阿伯, 但都唔係咁流卦~~

從製作角度嚟睇

1. 比起第一集, 音樂位多番啲, 阿DEE失眠嗰場D音樂O 喎~~但都係唔夠囉@@!

2. 點解啲對白剪得咁鬆呢？唔係要聲接聲，但係確然係有d位 lup 左囉~~ e.g. 李籠怡同男友嗌交嗰場>>令場戲唔夠緊張, e.g. canteen三兄弟吹水嗰場, 直頭有dead air感覺囉~~ e.g. 救失眠細路時偶遇心臟病阿伯, 幫阿伯急救得再hea d

3. 點解一場坐定定canteen戲, 每一次接shot都斷聲, 係環境聲都有大有細, 其實墊條空氣聲, mixing一下已經可以好好多~~~

4. 點解37'32" 個車跟車TELE SHOT拍救護車頂連藍燈, 再FING來FING去D丫, 眼都花@@!! 之前用過幾次嗰個車頭CARMOUNT拍車頂藍燈SHOT咪幾靚, 唔使懶係多ANGLE嘅, 講質素架嘛~~

5. LAST場BROADCAST明明係話黃大仙警署報案室, 黃大仙1區, 但係佢上左車, 由明哥PAN去個MON時好明顯見到沙田坳道, 但係觀塘1區(KTG1)囉, 個PA要拖出去斬, 導演都係 ^^!

6. 好多演員啲對白都唔順, 好明顯係讀稿 ~~

7." 去車途中見到自己屋企人出事, 但基於專業精神不能即時落車幫手" OH NO, 呢條橋已經拍過太多次喇唔該~~

8. 讚︰大部份演員D戲都好過第一集, 可能係第一集D戲太屎~

我會繼續追看

實在要繼續批評 ^^!!