如果

同事們都話
我好靜
我唔講野
我講野細聲
我斯文
我怕醜
我唔似PA
我最多做到半年
我應該快D走
我應該轉部門
我唔適合做呢份工

第一日番工
我聽到覺得好好笑
我話假象唻GE
第二日番工
我仍然係笑笑口
第三日
第四日
第五日
然後我開始諗
我係咪唔適合
我係咪應該走

其實我做得好開心架
每一樣野都好新鮮
每一樣野我都好鍾意
每一日我都學到好多野
每一刻我都同自己講
我會好努力

噚晚講起抱負GE問題
大佬話 O係呢間公司
太多制度問題
會做到個人好FRUSTRATED
做到冇晒抱負
到時到候我就會明白
O個一刻
成個人DOWN左
我唔想講野唔想出聲唔想去諗
但係我不停咁諗
我好想問佢 如果係咁點解你會留低
最後我只係問左一句
你做左幾多年呀
8年
如果一份工令到你咁失望
點解你唔走
呢一句 我唔敢問出口
我好驚知道點解
我又好想知道點解
最後我都冇問到
繼續做野
但係心裡面繼續俾呢個問題縈繞住

RECALL番晒搵野做O個段日子
心裡面好多的憂慮
我好驚
好快我會發現
原來我
唔鍾意做PA
原來
我係真係唔適合
我唔想咁樣

我
想留低