又由朝到晚

今日做左好多野

噚晚唔舒服 喉嚨痛 所以11點幾就訓左
於是今朝成功起到身
出左去新城市睇功夫
第一次一個人去睇戲咋我
原來都冇乜野大不了je
加上隔離個人都係一個人睇
我地好似變左一齊睇戲咁
功夫 多謝大家叫定我唔好當笑片咁入去睇
留意左好多鏡頭ge movement
明白點解要拍幾年拍一齣戲
有心思但係唔會好似王大導咁曲高和寡
我鍾意周星馳
佢唔再係從前勁笑勁搞笑每一個位都笑的周星馳
有會心微笑ge位
同埋感覺到佢的message
個感覺好好喎
同埋睇到佢的六舊腹肌 忍唔住嘩左一聲
片尾出
導演︰周星馳
監製︰周星馳
編劇︰周星馳
主演︰周星馳
當一個人可以成為一齣戲的全部...

睇完番到宿舍 竟然冇水
拎左d衫落laundry 擺晒入機
發現冇拎student id 上番房
落唻先見到原來冇得洗....
因為全中大停水
於是唔敢煮飯 去左na can食

上paul 堂前遇到alex同ancus
佢地去參加新亞作文比賽
同佢地吹左個水 講大學線被怒插事件
講真 我係好心痛
睇住大學線變質
就好似睇住一個自己有份湊過ge仔誤入歧途
而家落得冇好下場一樣....
但好睇唔過眼學生報為報復大學線插佢粗口事件而報復
cher~

上堂時繼續同d M.A.搏鬥
今日精句
paul教一個追住object曝光的技巧
即係拎住camera跟住object跑或轉彎唻freeze motion
paul仲示範埋
有個M.A.問 下 咁即係相機都要郁架
勁..... 咁都問得出口
同萱萱姐對望
萱萱姐話︰做埋俾你睇都要問
我一邊示範如何跟住object轉彎而相機係絲毫不動
跟住我地+包大笑
我都覺得我好mean 但sorry 我係張佬人

break時gapsy姐又有佳作
話說上次笑佢同痴痴姐
痴痴姐一句「睇樣就知啦」換得全場投票俾佢讚佢最白痴
點知今日話gapsy姐個樣白痴
佢竟然都係答「睇樣就知我好聰明」
佢地果然係好朋友

落堂番宿洗衫
然後趕車出尖沙咀meet karen
去左一間trendyland ge 餐廳食飯
d野都幾好食
同埋一晚at least有三檯人唱左生日歌食左蛋糕
唔包括我地
karen送左對耳環俾我
仲送埋畢業禮物


傾偈傾到10點幾先一齊去搭地鐵
我發現我真係好鍾意劉嘉欣
我會繼續將佢同tony張恩愛合照放銀包
因為tony係我情敵

我而家好病 呢d係報應
如果而家有人打唻只為問候我病情 我發誓我會好愛佢
係咁架喇 我一病就軟弱

幸福

今日又有人同我講︰你好幸福呀

係ge 幸福其實可以好易
有好多人為你準備生日
有好多人同你慶祝生日
有班傻人陪你由朝hea到晚
有班傻人趁住星期三帶你行太空館
有個人買生日蛋糕同你過12點
有個人買三件朱古力西餅俾你做生日蛋糕
有個人焗三次生日蛋糕俾你（雖然最後我冇見過）
有好多人send sms俾你
12點o個陣個電話響個不停

雖然呢d幸福好快就過晒
但係我會記住好耐好耐
因為呢個係最後一個仲係細路仔的生日會
幾個月後變左大人就未必有咁幸福

o個晚番唻好夜訓
一邊打od其實一邊諗梗點樣可以留住o個種幸福ge感覺
頭先去左跑步
流左好多汗ge同時突然覺得原來流汗都可以好幸福
原來幸福真係玄到爆
你信就有唔信就冇
想佢唻就唻唔想佢就bang埋

今年對住蠟燭許完願
好鍾意自己諗到的願望
第一個念頭竟然係呢個 我覺得自己好乖
我鍾意呢個已經22歲的我
應承左自己嗌少d悶嗌少d唏噓
因為我唔想趕走d幸福感覺

pen said i deserve better, i'll say i deserve the best

i have my standard for the best

a birthday kiss

結果俾師兄批死左今朝起唔到身上時事研討
其實我較左鬧鐘同埋醒左
但係我知我去到都會訓覺
所以決定放縱自己訓下 hehe

唐穎欣落堂番唻前15分鐘我先起身
嘩好過份
之後同佢同痴痴姐煮左一個飯仔
其實只係叮一d野同埋煮麵
跟住2點幾去上multi
又見到哥哥師兄同gapsy lu
仲撞到pen
不過我地兩個都要上堂哦~
ray繼續廢不過今日好似早左放break
出去時撞到剛下課的pen
同佢玩左一陣
佢"的"左我過隔離ed帶房
跟住同詹前顧先生講︰呢個咪teresa lor
然後詹先生話︰哦~ 我真係從來都唔知你叫咩名lor
嘩好寸咀
好彩佢補番句 「但我認得你個樣」 算
之後拉左哥哥過去睇阿詹個齊齊地蔭ge頭

pen姐問我條項鍊係咪生日禮物

而條鍊我已經戴左好耐

於是我話件衫先係

佢問邊個送

我話你地

佢竟然答︰我冇份喎

於是我逼佢補番份禮物俾我

得到ge係佢一個飛吻

然後我逼佢真錫左我一啖

我22歲的第一個兼最後一個birthday kiss

i luv penepenepenelope

跟住就撞到林綸綸
陪左佢開locker
再陪左佢去GO睇intern report
原來我係有b+的 勁
番入去上埋半堂就去na can傾野
我+師兄+琪琪+陳珍+pen+哥哥+多多食tea
我冇食呀
佢地食完我地番左soc房傾野
初時勁冇貨
後來竟然180大轉變
ban左本身個故事
用左maggie個貨
感覺良好左好多
yeah~~

今晚蛋過左唻講送舊d野
佢講左d超恐怖野俾我聽
原來應屆院會主席gap到如斯地步
新聞「道德」係「杜德」偉個friend 服！！！
仲有dilemma係達賴喇嘛個friend
張佬食字食到咁ge境界真係令人甘拜下風
不得不服到五體投地
好恐怖！！！

news translation

我而家o係自己間房喎
咁我後面有個人就做梗news translation功課啦
咁佢就問我︰你知唔知美國總統就職有冇d衝過d汽球ge儀式
我話︰下 我唔知喎
咁佢就俾左份野我睇
".... to a late night dash through 10 black-tie inaugural balls."
咁我就好困惑啦
然後佢就︰丫 我知喇
唔係o個d波 係o個d ball呀
係去ball o個d ball
唔係球o個d波.......................................
頓時恍然大悟
佢仲話之前將句野譯成
「衝過一d黑色繩綁住ge球體」...................................

姓名童話

鍾靄婷 您好，這是您的姓名童話
童話人物︰聰明的小婦人喬
人物性格︰
妳是一個思路清晰，心思細膩的女生，和小婦人中聰明、英氣勃發的喬有幾分神似。不過，妳少了她的莽撞，多了一分實現計劃的衝勁。凡事在妳腦海中有一定的計劃，經過幾番的沙盤推演，一再地做修正，才會落實到現實層面進行的機會，否則寧可不作，有「要作就做到最好」的傲氣。但有時妳深思熟慮的行事法則並不包括怎麼處理好妳的人際關係，因為計劃的實行內容是妳三思而行的結果，若要妳聽取別人的建議是很困難的，而且一不注意，妳的傲氣會壞了計劃，再多的努力也會付諸流水。

法寶︰精巧的鋼筆
給你的建議︰
如果想要讓自己的人生更加圓滿，所有的計劃都能如是實踐，那妳可要時時握著喬手上那支用來描寫世界的筆於無形中，她是用來寫小說，而妳則是拿來將人心刻在妳身上。因為妳握有成功所必備的事物，但妳卻常忽略人心在妳計劃中占的地位，說不定妳還得為這個忽略賠上數次成功的機會。多利用「心眼」去體會別人的感受，學習體貼也是一個人成功的因素，敞開心胸，釋放熱情，多與人交往，相信妳的世界會有所不同。

鳴謝

SMS︰
1. 劉嘉欣: Happy birthday, my 'good sister'. Play happier today la, see u few days later!
2. clara: Happy bday!
3. magmag: hey, this is mag ar. happy birthday & wish u all the best. try to be happy. support all along
4. fying: Sa姐,生日快樂!祝你今年日日都咁開心,最緊要係搵到好工!
5. 肥龜: 生日快樂
6. 綸綸: 太陽出來了 駱駝出世了 生日快樂 有綸啤好快樂 今晚見
7. pen: Happy birthday love!
8. 超: happy birthday,have a nice day.
9. doot: happy birthday ar!
10. 之之: 生日快樂啊!祝你日日都被幸福包圍,天天都開開心心 :)

bitches + legend: sweater + 3-min happiness necklace + $1.3 利是
gapsy: 彈彈波一個
嘉吠: 「洛」駝 大紅燈籠一對
師兄: 生日蛋糕x1
霆鋒: 生日蛋糕x3(........) + hip hop生日歌

肥龜: 無形生日蛋糕x3

哥哥: keypad 生日歌x2!!!!!!!!!!!!!!!!!!!!!!!!!!!!!!!!!
clara: 生日卡
蘇菲: 話我今日似林志玲

還有你你你你你你你你你的生日電話
謝謝謝謝謝謝謝謝謝謝

今個生日真係好開心好開心好開心好開心

第二擊

再次利用敷mask的時間打OD

HAPPY BIRTHDAY TO MYSELF, HEHE~

今日約左多多師兄同哥哥2點o係尖咀
朝早收到多多的電話同sms
佢唔同我一齊出去喎
自己一個出去
去到 竟然所有人都遲到 哎呀
不過佢地只係遲少少 所以冇所謂

第一站 去左太?空?館
好耐冇去lu~ 買左飛睇深海火山
原因係佢44分鐘而其他40分鐘 哈哈
跟住逛太空館 i love wednesday
話就話行太空館
其實冇乜睇裡面d野
因為我地一路玩估FBI題目
多多超勁 同一時間做梗幾個問題GE HOST
我好叻呀 估到渣車自殺o個個
yeah~超開心

第二站 去左搵一間cafe食野
原本話去paris cafe
但中途見到一間以teddy bear做主題ge Milano Cafe
好舒服的梳化
一人嗌左一個出前一丁TEA
都幾好味 同埋唔貴 因為仲有杯野飲 可以飲ICED MOCHA喎
坐左差唔多個半鐘
原來師兄係好鍾意貓的
好 我地下次一齊去阿貓地攤

第三站 番左太空館睇戲
OUT OF EXPECTATION地佢係冇噴溶岩
仲有D好核突GE蟲
多多睇到訓左 佢好累都出唻陪我玩
我好鍾意?
第四站 行左太空館個紀念品部
勁玩佢D遊戲 好混吉
之後過左文化中心玩
睇左D EXHIBITION同埋新節目
同埋竟然O係BOX OFFICE撞到黎妙雪
個過程係有人O係隔離講電話︰
「喂 我係黎妙雪呀」
我地一齊望過去
後尾佢見到我地 望住我地
於是打左個招呼傾左兩句 太邪

第五站 七點鐘去左尖咀站JOIN其他人食飯
去左FAT ANGELO'S
有我.糖.K.沛沛.綸綸.蘇菲.菁兒.嘉吠.師兄.琪琪.結繩.GAP兒.CANNY.哥哥.多多
十五個人坐一張超長檯
坐中間的我要經常兩邊走咁聽八婆野 勁忙
一路食 一路勁傾偈
之後仲食左佢送的chocolate tiramisu
好好味喎
跟住開始有人去玩個扭蛋機
佢係扭彈彈波 1蚊次
中間夾雜一D貼紙同怪獸
點知嘉蕙抽左N次仍是貼紙/怪獸 勁邪 邪得恐怖
好彩後尾發現其中一個係神秘獎
跟住出左出邊影相

第六站 買左野去海傍飲
行我從未行過的星光大道 夜晚原來都幾靚丫
不過真係超級大風
兼夾有超級恐怖大紅燈籠高高掛
之後我地坐低左o係一個冇風ge位吹水
臨尾仲玩左幾舖「唔係呀ma咁鬼易」
第一舖輸左個張結繩
第二舖加左罰則後 再有一個張結繩
有人向海大叫我愛香港
第三舖有個李泳萱大叫我愛william hung （好毒）
跟住就一齊行去搭火車
搭到尾班喎
番到大學大班人行上na
又同李泳萱gap笑左一輪
終於番到宿

今日好開心好開心好開心
我真係好開心呀
今日嘉吠話︰駱駝好幸福 每年生日都有好多人同佢慶祝
我都覺得係呀
忍唔住高唱 原來我已經有福氣
亦忍唔住要再講
I LUV U ALL!!!! MUAH MUAH MUAH MUAH MUAH MUAH !!!!!!!!!!!!!!!!!!!!!!!!!

第一擊

想睡的我 決定利用敷mask的時間
寫一寫od
今日好開心
上完hk soc
有一個白痴人入左唻中大陪我玩
我好鍾意你呀浸大霆鋒
2點幾meet吨@齊行落poolside諗住食tea
點知1500先有喎
於是坐左o係泳池旁食有人買的西餅
點左今年第一支蠟燭
聽左好難聽ge「恭祝你福壽與天齊」
食左一件麻麻地好食ge餅
然之後hea到3點入poolside
食左一個好味而且好平ge tea
兩個白痴人又larn番上na
入左人文館走一轉
再過誠明搵glorr玩
點知佢又要出去lu
兩個白痴人繼續行程
去左紫霞篤檯波
有人自稱傅家俊
但係連桌球棍都唔識hold
玩左兩舖茅波之後
有人話要自創新遊戲
用手唻碌d波
然後計個波上的number當分數
結果我70幾分
有人得10分唔夠
玩左足足一個鐘
兩個白痴移師301鋤dee
兩個人但又玩得好開心
後來加入左美女芳同李文K
玩cum棉胎 我贏左！
潛烏龜 再下一城 超勁
芳因為有門要開走左
我地就坐車出去火炭食飯
泰源是我家
glorr唻番join我地
6點多d話走得的粒8點幾先到 勁
送左每人一張新年card
居然用每個人的中文名作祝賀說話
但係每個人的中文名都寫錯一個字
而我個名 佢話太難未諗到 激死
坐到2110 要傾proj及唯一會番宿的我先行離去
2112離開現場
用左3分半鐘狂奔至火炭站
arm arm有車
2119番到大學站
arm arm趕到2120校巴
遇到余詠琪
上到na有人仍未落堂
我番左宿沖個涼
之後一入房有一排人等我傾proj
落左大廳傾
冇貨冇貨
2355 無意撞破有人拎蛋糕俾我食
哈哈 其實我真係好開心
多謝你地呀 不過今個生日的反高潮真係一浪接一浪
所有驚喜變左笑位
收到一堆sms同電話
劉嘉欣 痴痴姐 馮瑩 magmag ada
i luv u all
聽左一個生日歌
同埋食左好好食的芒果蛋糕
有萱萱諾諾陳珍maggie包師兄同糖糖現埸慶賀
大家又再次發揮亂屈人+食字+作slogan的功力
包的「尾會標不盡 春風吹又生」「我o個晚好開心」
陳珍的「一絲不苟」變「一絲不掛」
諾諾的「我唔知呀」同埋「搓大脾」
師兄的「佢唔係我對手」「blee」「ching楚」
丫 仲有痴痴姐的「喂sa姐 我係痴痴姐呀」
笑到痴左線
仲有原來師兄睇中阿諾 我覺得萱萱姐好慘
我今晚唔想發惡夢 好得人驚...

I LUV U ALL!! MUAH~~~

精彩一天

今日中午起程番宿
2點上到新亞
一落校巴見到哥哥喎
行到去個站度
見到有一pat野攤左o係度
原來係廖倩婷
佢o係度典下典下咁
小東佢地call左保安組
車廖小姐落clinic
由於小東同文可其實上梗堂
所以我逞英送佢落clinic

一個斜mea袋在身
拎住一袋食物
再加廖倩婷個袋
仲要扶佢落車
我覺得自己真係天生駱駝命 哈哈
入到clinic lea咁hea幫佢拎學生証登記
佢入左個treatment room
點知一入就成半個鐘
於是我問准姑娘入左去睇吤H為佢訓左tim
原來佢食梗餅 哈哈
佢話︰食左d餅好好多 我諗我真係好肚餓
勁搞笑
之後我陪左佢一陣就走左
因為佢話冇乜事
而我又要上去交scholarship form
於是就碌番上NA
我今日開始覺得廖倩婷好可愛
果然呢種女仔係好得人鍾意
因為o係保安組車上佢邊嗌邊挨住我時
我都有想保護佢ge衝動 哈哈
可惜我永世唔會係呢d女仔
（諗起今日i.t.個hyoma袋... 哼哼哼）

之後番去搞左scholar d野
番宿抖左陣就出去睇CLOSER
呃左一個李泳多同我一齊睇
呢齣戲 真係好適合男人睇
作為一個女人 我睇完好唔COMFORTABLE
無可否認齣戲真係拍得好好
好真實好真實
完全覺得d野係真係每天發生梗
但接受唔到個感覺好唔舒服
同李泳多兩個勁叫︰好難受!!!!
但仍極力推介

之後去左IPSA拎生日禮物
以為有SAMPLE點知係一條勁女人電話繩
噢 no.......
送左多多去搭車後就join哥哥同肥龜食飯
去左商務樓下食上海野
幾好食喎 同埋唔算貴
今日同哥哥發現左一d關於肥龜先生的特質
1. 佢好似finding nemo的鯊魚
2. 佢唔識數十二生肖
3. 佢唔識數十二星座
4. 佢唔識數A-Z
.
.
.
.
.
.
.
好?得?人?驚
之後同佢地去左惠康買雪糕食
然後坐左一陣就坐LU

沿路商量左古巨基演唱會飛事宜
而家應該OK LA GWA.....
希望買到啦
唔該多多同房!!

song of the week

addicted to this...

誰又是做人世 眼淚不等於一切
獻上我的心 亦要適當去自衛
是我好勝 我愛哭 不是問題
不這樣愛下個便傷不到底

婚禮

今日出席家姐個好朋友的婚禮
（原來我家姐已到左適婚年齡 噢！）
出席原因有二
一係因為我都識佢個friend
二係因為我家姐做伴娘 wow
約左怪獸哥哥 2點o係太子等
轉的士上去何文田間教堂
去到花車arm arm到
但佢地唔得閒理我地
同怪獸哥哥坐o係教堂裡面傾偈
好快就3點
拎左DC映家姐同irene姐姐入場
件婚紗幾靚架喎
由於irene係基督徒
所以o係教堂簽字
成個過程都幾smooth
但係有個gap神父
佢不停咁講d gap笑話
好得人驚
之後完左出教堂外等映相
佢編好拍照次序
作為「新娘其他朋友」
我地係第19批
總數係20批
於是同家姐同怪獸哥哥一齊hea
終於映到相喇
影左好耐好耐 唔知幾耐之後
佢地入番去換衫走
走o個陣已經6點lu
搭小巴落尖沙咀轉地鐵番屋企

咁大個女第二次睇結婚
但上一次我仲係小學生
完全唔記得咩感覺
今次就好有feel
o係一個微黃光線ge教堂裡面
睇住新娘行入唻
睇交換戒指
睇簽婚書
睇揭頭紗
原來係可以好感動ga
今日真係覺得irene好靚
結婚原來真係一件好吸引ge事
不過對於我呢d被批死閃電結婚閃電離婚ge人
都係唔期待好過期待

photojour

今朝放縱自己訓到11點
然後洗左個衫
執左少少少少野
食左d野
然後去上photojour
上個禮拜考IELTS冇到
李小姐已預告有堆會勁問野GE M.A.
結果一坐低一開波 即問
再問 又問 再者 難道 呢D 就係..... (王國興上身)
越問越火
因為真係SORRY講句
佢地問D野
真係難得一句有POINT
例如PAUL俾一張低角度炒上去的馬場觀眾席相片我地等
有人舉手大聲話︰「咦 我想問 呢張相應該係蹲o係度映ga hor？」
我同李小姐對望︰「唔係要問呀ma」

源源不絕的「唔係要問呀ma」問題
幾乎爆炸左
有個gap位係當paul講解zoom ring時
有人大叫我有呀 呢個丫ma
paul望一望那人的相機
喂你支係標準鏡唻ga
zoom 乜野ring呀....
gap死
sorry 我係咁mean ga la
真係唔知呢個sem點過

但係阿paul堂幾okay喎
快樂不知時日過o個隻
到break時已經過左兩堂幾
好快就放學lu

記得有人說我不值得
對 我根本一文不值

shaw thousand ppl dinner

竟然有人幫shaw千人宴改左個咁騎呢ge名
係我地先做得出

噚晚shaw千人宴
傳說仍然可以包一檯 勁
其實攝左個林綸綸 phoenix加肥龜
hehe
不過12個有9個都咪話唔功 真係
o係巴士站等齊人
一路同penelope傾偈 唔
之後一齊入去
我地係幾乎坐番上年張檯
離檯極遠兼背檯
但應該已經近過去睇演唱會坐頭幾行 哈

打邊爐
都ok多野食丫
一路都好悶
因為有d不知名danso不知名musical
仲有不知名中學生著到勁少布o係度扭下扭下
世風日下呀大佬 可能係我太保守
但係sorry閣下真係一d都唔性感
o個件衫真係mk到不能再mk 佩服

到石修and his band
嘩....勁到完全聽唔到佢唱一粒字
佢仲要o係度講英文字 sorry lor好難受
唔該唔好覺得自己幾十歲人仲好有型
你唔係lor唔好意思
真係睇到想嘔

終於等到第一個期待的嘉賓 朱咪咪
佢真係超正 句句都好串咀 但又好搞笑
仲的左個男仔上去同佢合唱相思風雨中
又攬腰又摸面.... 好難受
之後唱上海灘摸左個肚唱「又有喜」
超搞笑~~~~
但係真係想講係中大男仔先做得出咁ge事
肥龜唔上台真係蝕晒

之後有stephy+theresa
唱左師兄最愛的「親朋密友」
我地打俾佢又唔聽電話 於是留言俾佢聽歌
後來佢聽左小東ge電話
一路聽住首歌
點知唱一首就閃
師兄一聽到冇stephy換pingpung就話要收聲 好膚淺呀~
pingpung咁好~~

pingpung唱左我最最最愛的「二十世紀少年」
雖然現唱冇乜人識唱 但係我自己都放聲高歌 哈哈
之後唱埋愛是最大權利
kary 唱live都幾ok ga wor~~
同埋佢係超級瘦
突然諗起噚晚結繩姐話要等xxx時穿xx
之後我答佢 幾十歲仲搞埋d咁ge野 勁搞笑

跟住就有周國賢
佢唱左溫室氣球 不敵 地下街 同目黑
佢唱live都係好得wor 仲要彈晒結他
我諗真係有好多少女為佢已結左婚生埋仔而心碎
如果我仲係少女可能我都會
有才華的男人 而家買少見少

唱到最後已經11點
散場後我同左gap兒同萱萱去湯com玩大富翁+飛行棋
玩大富翁時好得人驚
今日所有野都唔跟pattern
多多竟然晨早破左產俾gap兒
之後我又勁勁勁勁勁踩中淺水灣同太平山
平時係冇人踩ga ma
完全脫離常規 好恐怖
謝gap兒不停話
「善心會換唻好運 好運會換唻財富」
結果佢求其收我地錢
求其又俾d地我地
又從不趕盡殺絕之下
居然真係超好運地避過晒我d超級地雷
我覺得好無奈
之後仲輸埋
gap兒姐威力果然非同凡響

跟再玩左一舖飛行棋
之後大家都好累lu
於是就各自番宿
一個人行番NA 好多星星
天氣唔算太凍 夜景依舊好靚
我諗唔到野
心情 還是說下沉就下沉

maybe

maybe dordor was right
it's juz bcoz there were soooooo many ppl around
i didnt mean to behave this way
but there was sth that i couldnt control
somebody left me a msg asking me whether i was angry
well i wasnt
i tried to reply the msg but the network failed
dunno why
i tried to call but nobody answered
then i realized it was 2 sth at nite
i forgot the time
i think it's me who should apologize

tonite is unforgettable
coz i have not been like this for long...
am i or am i not
i dare not to ask

人生得意須盡歡

趁仲有dayoff
噚日朝去左唱k
11點紅磡等
5個人唱左2個多鐘
同埋d野幾好食喎

之後做左好有意義且好耐冇做過的事
去科學館
由於噚日係星期三免費入場
所以五個白痴大學生一齊湧入去
入到去謝gap兒話要映相
然後我地猜 猜輸o個個要用普通話叫詢問處個哥哥幫我地映
結果gap兒順理成章中招
個哥哥仲問gap兒o係邊度唻
gap兒話我地o係香港唻.....
勁樣衰

5個人竟然可以o係科學館玩到2個幾3個鐘
之後gap兒走了
5點幾多多也走了
之後到師兄
我同哥哥去旺角
因為我約左食飯
佢要去買生日禮物
哥哥走埋之後我自己一個逛旺角
等糖、fying同痴痴姐

去左花園餐廳食左個晚飯
勁飽
之後散左一陣步就番宿lu

o係新世紀講左一d痴痴language
好搞笑
chichilising country
痴痴「鎮」
痴痴「bear」
我怕會俾痴痴姐同化....

玩埋呢日我會乖乖地
我會努力睇多d電影
因為要拍好條drama
yeah~

剛剛o係uc lib借左兩隻vcd
我要睇戲lu~

sit堂日

星期二係我ge sit堂日
其實今個sem四個course分佈在四日
我有兩個dayoff
其餘日子只需上2-3小時課
但因為sit 3個course的關係
今日上左8堂
34 789 JQK
上soci suzanne比起gender and soc時完全唔同左
d time management唔太好
同埋可能因為係lecture hall
大家想走時都幾放肆
之後check左tutorial日子時間
然後番左宿食lunch
同唐穎欣撐左一個檯腳
然後去sit art direction
今日播左少少七俠四義、dogville、危險人物
同埋一齣叫the good, the bad and the ugly ge gap戲
真係勁爆gap
笑到我地痴左線
七俠四義似乎會好睇
dogville太極端了
危險人物都想睇番
至於最尾那齣就免了~

落堂之後新莊洗班
佢地首歌同隻舞都ok
之後我又俾人屈喇
仲要好樣衰地俾傳晨d人o係3樓大嗌落唻
我覺得好無奈

忍唔住同左佢地去na can
同多多share左個tea
之後我又發癲亂講左一d野
俾左人地好多位入我
好無奈
原來噚晚仲未叉夠電
跟住就larn番去人文館上creative writing
今日要做classwork
寫左自介同埋介紹人
拎左獅子孫大花張相出唻
自介寫左自己係駱駝
點知岑朗天竟然有一個
駱駝變獅子變嬰兒的甚麼進化論
超騎呢 但係好開心
佢真係超癲但係轉數超快
好鍾意呇n快就3堂lu

之後一齊去湯com玩大富翁
有春花、超、我、多多、哥哥、陳珍同師兄
一如以往我係買唔到地
一如以往師兄超黑
一如以往多多好鬼勁
大家相繼死去
先有陳珍、哥哥、超、我、師兄
然後春花苦戰下大敗
但我同多多其實超好運氣
我係死極都死唔去
多多勁踩唔到人地仲要勁收錢
師兄修理左兩次貴ge屋
仲要有三個人爛左賬俾坒u係啤左十聲
對於賽果okay滿意
因為我最多都只係拎住過一塊non車站或公營事務的地
竟然可以苦戰至如此境地 好叻~哈

之後佢地要趕車
一齊行到mmw
我自己番宿

今天晚上沒有滿月

只有滿天繁星

其實我可以選擇快樂

但這是我的選擇

頭痛欲裂的時候原來最清醒

靜

今天晚上心裡面有點靜
可能因為食夜宵時渴了點酒
可能因為某些說話
可能因為我打了幾次的電話
可能因為...
可能是我在發神經
可能吧
可能 我真的需要靜一靜....

交職

又一年
今年傳新青年交俾傳晨
傳說算係唔話得喇卦
12個在港莊員 7個人到左
李少南依舊講番佢每年講O個D
佢話︰其實今年唔係四十一屆
我之前已經提過
佢地都唔改 所以我會繼續講
啤.............
同埋寸我地唔TAKE TV PRO
ER......
之後ROY同天華都有致辭
點解人地有識致辭GE P
唉~
茶點時間捉住左CITY CM個人
叫佢追番條數
不過佢竟然唔識阿WHY
唔理 總之我要番D錢同埋作品

吹水途中將痴痴姐同謝GAP兒拎埋一齊
大家O係度諗梗邊個白痴D喎
眾人正在苦思之時
痴痴姐話︰一睇樣都知啦
結果大家即時有所決定
痴痴姐真係傻GA

之後一路勁HEA等傳晨出去食宵
去左MAGGIE個宿玩層層疊等
最後2213 O係火車站出發
在車上逼到尤小姐一齊去食
再呃左張小姐同唐小姐
結果我地有十個人
只差番左屋企的鄭小姐同廖小姐
超勁
真係莊聚都冇咁齊人

去左泰源等左差唔多成個鐘先有檯
不過一路吹左水
先等到相連的兩張檯
唱左一個生日歌 勁衰 哈哈
陳珍 GAP兒同PEN GE GAP指數持續高企
笑左一大輪
同埋映左張大合照
HEHE

之後分左兩架的士番宿
勁快就番到唻 沖左個涼 飲左個涼茶
我而家要訓覺

同埋唔該
千錯萬錯都係我
請大家高抬貴手
我唔要同李卓禧傳緋聞..........................................................-____-""""


P.S. 今日去左UC LIB睇TALK TO HER
GOOD GOOD GOOD GOOD GOOD!!

相機

由於take 左photojour
星期五一番到屋企就搵爸爸部相機
點知真係幾乎反轉左間屋都搵唔到
櫃桶啦床下底啦
全部都唔見
只係搵到真係超級古董四四方方成個盒咁o個部
第二日要考ielts所以逼左爸爸幫我搵
考完番唻爸爸出左街喎
等佢番唻再一齊搵
將之前反轉的地方再反一次
結果o係一個佢地話「一定冇可能」的衣箱裡面搵到
哼哼~
但係1個標準鏡1個tele鏡都發左霉
爸爸話要拎去俾人洗
同埋個鏡已經好舊 佢話不如買新

今朝十一點起身
爸爸突然話不如買digital單鏡反光
太貴喇 同埋photojour應該係要菲林機
所以我話唔好
食完午飯同爸爸兩個人出旺角
行左第一間永成
原來鏡頭一支都要千幾蚊
因為爸爸o個部係古董

於是睇d新機
佢都係介紹糖o個部canon
同埋一部貴200幾ge nikon
兩部都靚 1680同1950 但係乜都冇得送
爸爸話行多幾間先
途中打左兩次俾糖 hehe
跟住去左西洋菜南街o個街又係永成
個sales叔叔勁主動sell我地
佢冇介紹o個兩部
反而拎左一部pentax俾我地睇
1290 送腳架相機袋同龍珠杯墊（er....）
部機光圈仲低過nikon
同埋function係一樣
加上nikon同canon o個兩部都係幾年前ge款
反而pentax係新款
反覆試左之後 決定....買！
1290實在太抵了 希望部機好用！
跟住同爸爸去左vcd舖
門口勁播菠蘿油王子睇醫生ge一段 好煩....
搵左三間先搵到唐伯虎點秋香
同埋買左黑玫瑰對黑玫瑰
跟住就去左搭車番屋企lu
番到屋企樓下去左茶餐廳食tea

好耐未試過同爸爸兩個人去街

今日o係旺角拖住我行 我有時又kiu住佢行

搭車時挨住爸爸膊頭訓

諗起細個o個陣每次出街都係咁

會爭住同爸爸坐

會拖住爸爸

爸爸隻手係好暖好暖ga

無論幾多度都係咁暖

IELTS

終於考左喇
朝早要0820到場 0850開始
憂心的我0805就到
而糖0735就到 勁~

入場的時候超級眼訓
坐低 見到tracy
佢坐我正前面o個一個位

先考LISTENING
有30%睡意的我結果MISS左3題
之後即刻考READING COMPREHENSION
我覺得易過多多借俾我的PASTPAPER
早左10分鐘做完
CHECK左一次就趴低左
點知真係訓著左
訓左8分鐘之後突然好精神
跟住又即考WRITING
TASK 1 D GRAPHS都OK易READ
做左ARM ARM 20分鐘
TASK 2 都唔算太難
但係做到後段自己有D亂
結果要做到夠鐘
算係OKAY LA

然後同糖去左大家樂食飯
我地一齊嗌燒味
我叉燒佢燒腩
我地覺得NA CAN好食D
連D飯都係NA CAN好D
不過佢送個即磨咖啡就幾好飲~
HEEHEE~

食完不過係1點未夠
但我地4點05分先考ORAL
1545先要到場
所以決定依照原定計劃去行開倉
由11樓開始掃落去
由於時間多的是
我地入晒每層的店舖
行左2個鐘
感覺好似仲耐過考試o個三個鐘
結果糖買左一對converse同一個nike証件袋
夾埋先200蚊
我買左件nike t-shirt 冇中碼 大碼照買
佢仲要有新ga wor 勁好
我原本都睇中左一對橙色converse
但係呢排使得太多$$$
所以都係忍一忍手
可能遲少少買唻過年
hehehehehehe

之後3點幾番到去等考oral
又見到tracy
同佢傾左一陣偈
同埋發現佢同我著住同一對converse
勁邪~~
之後好快就上去考
考左1x分鐘
好淆 因為好似好短咁
但原來已經係最長
因為其他好多人都走晒
包括唐fing欣
之後打俾巠\話佢o個個都係慌死我地講得多咁
答兩三句就下一題
唔知係咪個個都係咁

佢問左我名呀讀咩呀o個d
然後叫我介紹下自己讀o個科同第時想做乜
咁我就話想做電影
點知咁橋之後o個條俾題目你講兩分鐘就正正係問film
都幾係hit得中左
之後講左一d無聊topics
算係okay啦
冇dead過air
但同佢真係零交流
除左臨尾佢同我講byebye+see u之外

跟住就搭車番屋企lu
考完走o個陣1633
行去等埋搭埋車
番到屋企都未夠5點~
勁開心
終於考完 鬆晒~

笑

今晚電視新聞好搞笑
1830 tvb news 李臻對吳先瑩話︰「阿瑩呀，最近...」
1830 tvb news 消委會話有假髮菜 李臻︰「消委員建議市民可以以生菜代替髮菜，因為生菜都有生財ge諧音」 消委會竟然有d咁gap ge位 而無線竟然報

跟住睇大飲茶
梁詠琪超難頂
騎馬不停丫丫丫丫咁叫

同阿楊采妮坐低傾偈
楊采妮話︰我唔明d人點解可以一面食鹹野又食甜野
梁詠琪懶醒咁話︰我知點解！因為...你等我諗下點解先...哈哈哈

last add/drop

今朝掙扎左成半個鐘先起到身
太凍喇~~
先去錢lib print 功課
竟然遇到sarah maggie同謝gap兒
去上james堂
今日講what should a GOOD CHARACTER be
都幾開心
但係之後分組搞到有d麻煩
anyway...
落左堂落com lab幫阿陳x超先生reg assembly
原來uc好得意
每個sem的兩個assembly係以套餐形式咁揀ga wor
幫佢reg "as early as possible"
reg到第一個喎
一reg完再reload
已由700個位得番25個位
恐怖過na十倍

跟住同上GO寫ADD科
EMILY咁arm o係隔離
佢同師兄講︰賴文可 你而家有幾多個女朋友呀
笑到我死
我o係側邊扮數手指 然後話「數唔晒」
emily又一齊笑
點知此時phoebe搭咀
phoebe話︰係lor咁多個 寫晒o係下低啦（即ed lab）
我同師兄都呆左
連phoebe都知......
hahhahahaha

之後十二點過雅麗舍開畢代會
committee d人依舊係....唉...
去到排隊交d receipts 同size
交完足足等左15分鐘先「開會」
開會ge意思係個p報告一d唔太清楚ge野
然後話︰「詳情我地會send e-mail俾大家」
根本冇野要傾
佢地亦係咩都話「未決定」
咁點解唔就咁send e-mail就算？
仲有個p講野真係...
例如佢話
如果你地有同學extend又想今年映相ge話
只要交錢就okay
其實基本上只要我地收到$150
就唔理你幾時畢業
全場起哄
咁即係我由yr 1到yr 3每年送一次舊都得啦
勁~~
嚇到輔導處個人即刻澄清
當然要at least yr 3先得
gap死
然之後佢話有本紀念冊
大家可以投稿 包括畫、相、文字
之後有人問
咁本野咩size
個p話︰應該唔會係正常size
咁即係咩size
p話︰應該唔會係A size（當我同pen講時，佢話bra咩）
咁即係點
p話︰應該會係一d比較得意ge size
哦~明晒啦
「開」左40分鐘
有20-25分鐘係hea
其餘時間就係聽佢講︰呢個未決定
啤.....................................

之後番com lab 搵佢地
一齊去uc飲茶
5個人左11個點心
一邊食一邊研究送舊d野
無啦啦pen姐話︰
我想問阿包係咪真係les ga？
我同多多華梅師兄呆晒.....
問點解pen姐又話冇得解
搞到我地笑左勁耐

之後番左na再番左宿執野
再番ed lab hea同埋讀ielts
4點上去GO搞last phase add/drop
終於add到photojour
原來個lecturer係收到我e-mail
搞完唔知點解企o係GO門口hea
俾phoebe趕左幾次我地都唔走
又講師兄的緋聞
謝gap兒講左d咩「騎鵝鵝」同騎牛牛好似
好得人驚
笑左好耐我先落去兆龍交
然後就番屋企lu

冷

addicted to OD ge我
雖然仲未做JAMES份功課
但係仍然要上唻寫寫OD
今日好凍呀！
超級凍
朝早出去都唔覺
只係著左件燈芯絨樓
出到去落住微雨先知lai野
於是箭步衝去人文館上曾仲榮
上完堂箭步衝去na can食lunch
由於太凍的關係
嗌左粥食
佢個餐牌明明係皮蛋瘦肉
但去到阿姐俾左粟米雞絲粥我
其實我prefer後者所以冇所謂啦
食完番左宿拎下晝上堂ge野
換左件羽絨 即刻暖左
之後去ed lab hea左陣就上multi
由於今日個guest lecturer 實在太悶
我地縕釀左一陣一齊drop
不過最後都放棄左
落堂傾左一陣就同包冒住寒風一齊番宿
同糖睇左polar express
然後食左個飯沖左個涼洗左個衫
層左個聚食左個湯丸同馮瑩吹左個水
（終於問左文妍知唔知我地叫乜名
結果糖係糖 我變左做「阿琪」
果然我係同余詠琪似樣的....啤
之後馮瑩話我叫駱駝
文妍姐話︰唔好玩啦
yeah~）
唯一未做ge係聽日交的idea proposal
我冇貨
似乎我真係唔係導演人才
今日其實冇乜特別
但我怕自己會失去所有回憶
今日同heidi講左一d野
好似舒服左一d 其實我冇事
不過 都係想呻下囉

電影日

今日好乖
早上十點過左studio
係 冇錯 係docu
係 冇錯 佢仲未斷氣
因為要過餅clean version俾roadshow同埋log帶交script
所以我又去studio
搞到連kk都忍唔住問 你地仲未完呀
我唯有話應該今次係最後一次
log log下諗起原來手上只有一餅quality好差的vhs
係vhs 喎 唔係s-vhs!!
所以的起心肝碌番宿拎多餅dv帶
將三條片過左一個clean version
以防佢隨時鏟hard disk

之後落左com lab
竟然見到宋bbbb洛
好掛住佢喎~
同佢同kristy o係度講「又何lum森美俾好grade」
勁搞笑
於是在她們的騷擾下
我用左個幾鐘都未打得晒兩版紙ge字
之後join左李泳多
番左我宿
佢玩魚食魚game
我玩食飯
三點搭車出去睇鯊膽大話王

拿 話我低b都要講 真係好好睇
雖然間house得16人
我地兩個照樣大聲gap笑
好得人驚呀
但係忍唔到 睇完出到去繼續笑
我鍾意條gap 鯊魚
跟住我就好乖去左圖書館讀ielts
多多送左我過去就走左lu

讀到七點幾（其實中途睇左本小說）
番左去新城市o個邊
行左噚日想行但趕唔切的mastina
因為final sale的緣故
d衫好平
結果我睇中左3件褸2條褲
冇size+唔想用咁多錢
結果買左一件褸一條褲
都係200蚊唔使
我覺得好抵
俾錢o個陣先發現兩樣野都係紫色
今日唔知做乜
平時我唔買紫色的
今日傻左
但係係唔女人的紫色
所以okay啦
過番火車站o個邊join糖同gap兒食飯
大家都冇乜錢
於是去左食kfc
邊食邊等張結繩
食完去買飛
gap兒姐話又想買褸
於是又番左mastina
heidi都到左
行左一陣就落去睇戲lu

帶著哥哥話「唔好睇」的忠告睇phantom
結果覺得好好睇
雖然覺得original 唱得好聽d hehe
唯一頂唔順ge位係女主角尾段跌o個兩次膊
勁想死 可唔可以唔好跌完拉番起再俾佢跌過
但整體係好好呀
唔舒服的還有佢穿插現在與過去o個d位時
現代係黑白但過去係彩色
第一下轉時有少少confused
不過個穿插位都okay
比較鍾意ge有
兩個manager+老闆 o係個theatre拎住堆memo對唱o個段
因為好得意 同埋d歌穿插得好特別
仲有鍾意一開場
好靚好靚
雖然有似titanic ge位

我同張結繩好走火入魔地分別同時諗
如果佢一開場水晶燈o個段有long duration ge shot會好好多
一take過穿梭於backstage的感覺應該會好有代入感
而家差少少
crit完之後我地都為自己咁病態而大笑
但係學以致用係好事唻ga ma
跟住講起原來同結繩而家睇docu時都會好crit
o係度諗人地點解要用lee d transition
點解會cum d咁ge片
同埋又crit下cum片cum得唔好 hit唔到d bites
病態但呢個感覺好好丫~

之後一齊搭火車
然後同糖同gap兒一齊行上山
沖左個涼
我就唻訓覺ga la

原來看小說可以治療心情低落 很奇怪的一個我
距離快樂 還有一步 這一步 卻比天國還要遠
今天突然很想你

超脫？

今天晚上發放上SEM GPA
比想像中好一點
比上一個SEM差一點
距離滿意 還差一點點
DOCU差點到手的GRADE
自問FINAL PAPER OK的MEDIA SEX
以為會好好GRADE的大通
最後都中規中矩
也不錯吧
晚上回到宿舍
萬人LOGIN之下無法登入WEBMAIL
謝小姐說可以上RGS
看過之後沒有太興奮
可能因為高GPA的人太多而且高得太離譜
可能因為「跌唔到落3RD上唔到2ND UP」
所以有點麻木
雖然還是談了一輪電話
文琪安兒師兄哥哥肥龜
還有偶遇的蘇菲和包
房間內的糖和馮瑩
但是除了多餐飯外
其實對GPA沒有太大感覺
可能我超脫了
可能還未
可能我自欺欺人
要快樂 可還是未快樂

但今個SEM最想多謝DOCU和MULTI的組員和隔離組組員們
ED帶房和MULTI LAB的笑聲（和笑話）最動聽
THANZ DOR MAGGIE HEIDI KAWAI CHUNFA CHANGIGI SIUTUNG MANHO ANGY BAO LUNC WAT WAHMUI YILOK KRISTY YOKO KWAN

唐穎欣︰張曉冬是我的

而在房間有蔡玉包、馮瑩瑩、唐穎欣與我
我︰文可搶我ge男人
包︰你從來都冇俘擄過小東ge心 係文可呢d高質素ge先可以
糖︰其實係我先可以!!!!!!!!!!

又多一個人同我搶男人!!!!!!!!!!!!!!!!!!!!!!!!!!!!!

快樂

1月1日那天
也答應了自己今年要快快樂樂
過了一個星期有多
笑過玩過
才發現要快樂
其實並不容易
我想笑
但咀角總掀不起
然後我想哭
卻發現淚腺閉塞了

我可以很殘忍
尤其是對自己

log帶

拿我未有（係「未」）有咁變態
一開sem就log帶
只係嘉吠姨姨俾我ge港台part time
log半個鐘ge帶有$300!!

噚日下午考AORE
我堅持佢係
痴線
結果我亂做
係超級亂做亂吹亂寫
寫到後尾十分鐘
唔想再寫
趴低左訓覺
如果咁都PASS我就真係明晒個政府點解搞成咁
走GE時候撞到鄭玉萍
然之後搭車去港台開工LU~
8點正做到11點幾
LOG左半個鐘
300蚊袋袋平安左
然之後番屋企沖涼訓
今朝7點幾8點起身
8點幾出門口又去過
今日勁唔PRODUCTIVE
同埋勁黑仔
千揀萬揀揀錯左嘉吠已經LOG好的帶
咁就冇左個幾鐘 激死
走O個陣唔記得數個TOTAL數
但夾埋點都有1個鐘
嘩袋左600蚊
多謝嘉吠

但我真係想講O個D AFRICAN AMERICAN 英文
係一萬個難聽
完全唔知佢UP乜
係可以聽十次都聽唔到

唔怪之得阿包佢地條DOCU

add/drop

頭先同penelope講電話
咁你又講得arm
4個equipment中
advanced multi最唔值得take
難得penelope有咁多好bite
「你take得o個科你都唔係想渣灘ga la」
「唔係你有冇心ge問題，我知你捱得，但係唔係你肯捱就做得晒d野」
「你photojour最後咪盞搞到要問我借相交」（哼哼 好大口氣 但你係勁 算）
「你咪試下渣灘lor，我又唔信你會呀」
.........
............
...............
好煩惱呀
難度我真係要等late add drop
咁我使唔使add定多一個頹course先呢
我可能會唔夠12分ga wor...
art direction 一定take
james kenny一定take
photojour好想take到
hk society take定左做後備
advanced multi 剛剛add左但有d動搖

我想做好每一件事
所以一定要諗清楚

大富翁

今朝上directing for creative media
因為賴床的關係遲左15分鐘先到
303結果幾乎坐滿 好在攝到一個位
但做左師兄同琪琪的電燈膽
sorry lor~
睇左一個drama
正如師兄所講 好tv pro
黎妙雪的才是電影 真的
下課商討了一點點事宜
再join埋李泳多
然後maggie同陳珍去左assembly

又再次淨低我地三個
要無聊hea到四點抽籤
於是.......
我地嘈醒左諾諾兼去左陳宿拎大富翁玩
由11點幾玩到2點
今日師兄教曉左我地咩叫「黑」
同埋咩叫「黑到冇人有」
大家不停避過佢d地
佢不停咁入獄 避過左有2000蚊落袋的起點
一路玩一路勁笑
有好勁的李泳萱（fyp唔係流ga）
好黑的師兄
好蠢的張結繩（佢覺得將一塊1800買番唻ge地賣3000已經好過份）
同埋經營公營事業（4個車站+水電兩局）的我
結果李泳萱大勝

然後我地同左怒等我地ge鄭雯華去na can食野
食完野我同多多分別番宿執野
然後再o係soc房meet
搵左一盒飛行棋出唻
興奮到爆正常玩ge時候
發現冇骰但大富翁已經回到多多宿舍
沮喪之際
師兄建議用副唔齊ge 啤牌ge 1-6唻抽
yeah~~玩到
但係勁慢
勁殺人的師兄繼續勁黑
我同多多裡應外合之下又贏左
仲夠時間玩多2舖挑竹籤
我vs多多---我贏
我vs多多vs師兄---多多贏
然後就落去GO~~

結繩話ANTHONY同佢講取消左CREATIVE WRITING的先修科
朝早先DROP的多多勁無奈
上去搵ANTHONY
唔清楚之餘加多左100個無奈
多多差D爆炸左
落番GO睇RESULT
之後同佢同師兄落左兆龍先醒起要再搵多次ANTHONY
又LARN番上NA
結果係決定唔取消先修科
咁都冇咁嬲
但係換唻HEIDI被人呃左
唉~~~

之後送多多落UL搵諾諾
原本諗住搭火車的我
最後都再次做左電燈膽
同佢地一齊去四條柱搭車
今日好快就有74A LU~
約左多多下星期三睇鯊「魚」大話王(謝GAPSY成日都講錯)
佢同諾諾今晚睇PHANTOM
我都想睇
希望謝GAPSY唔會放我飛機

而家O係屋企
聽日考AO
睇左SAMPLE PAPER
只得兩個字想講
痴筋!!!!!!!!!!!!!!!
http://www.csb.gov.hk/hkgcsb/showdisplay.jsp?page_no=353&lang_iso=zh_hk
簡單講講佢兩個TASK其中一個係
「如果你係某國資訊科技發展的官
而家有公司向你國家EXCLUSIVELY建議一個發展計劃
你要寫一個REPORT俾首相
講D PROS & CONS, BELIBALA
痴線!!!!
答題要求︰「該試卷要求考生提供具創意及切實可行的解決方案，以精辟及合理的分析作為建議的理據，並以流暢及有信服力的方式表達。」
痴線!!!!!!!!
十個唔想去
但天意決定左我要去
唯有去LOR
最多咪亂吹~~~
哼~~~反正我唔想做AO

聽晚去港台賺外快
希望我掂....

碧秋之夜

第一次在碧秋逗留這麼久
今晚又補習
補左兩個鐘 收左錢
番到新城市打俾肥龜
原來佢地傾梗電台D野
於是去左買糖水俾佢地食
肥龜先生嗌左好GAP的西瓜紫米露
搞到我俾個姐姐笑
搭車途中打番俾嘉蕙
原來佢有筍工介紹
LOG帶!!!
仲要係去RTHK ETV度做
雖然同RTHK ETV有一D仇口
但係咁吸引好難推
於是話左星期六晚同日朝早去做
賺錢!!!!!
番到唻佢地搵梗歌
於是我幫手兼聽肥龜同羅嘉銘嗌一D好GAP GE交
真係好GAP
然之後收左第三份台灣手信
嘩!!!!! 係PINKY月曆
超級得意 哈哈
同埋?個月曆裡面發現左一隻龜!!! 超驚
至於佢地聲稱要送的禮物四同五俾我堅決咁拒絕左

之後睇左一D漫畫同埋趕左蠢肥龜出門口然後鎖左佢?出邊
佢真係好蠢!!! 哈哈!!
佢地應該就唻會走LU
因為1點要落去崇基做電台節目
所以我HEA多一陣都會番宿訓覺
聽朝早堂!!

advanced multi

悶悶悶悶爆
阿ray少出場奇高
更會持續高企
令人好好好好想drop
但係真係想學一d advanced野
而家超級無奈
arm arm ray少話有兩個A-
而我地呢堆人係介乎B-至B+
但班中有C同C+
好驚

玩+開學飯+睇戲

迅速地約左一個傳說開學飯 勁！
今日好忙
一起身 去GO幫人搞ADD/DROP
知道左ART DIRECTION只要係FINAL YR就可以豁免CREATIVE MEDIA 正！
然之後JOIN埋李泳多一齊去兆龍交FORM
搞完ARM ARM十二點
要等到四點幾先去灣仔拎野GE我地
HEA無可HEA之下打電話騷擾人
摷醒左師兄同哥哥
結果成功逼左前者陪我地食飯
於是出左尖咀食飯
依然去唔成多多介紹的CAFE
去左一間類似茶餐廳GE野 勁逼供一個人
之後3點幾埋單行左少少少少少少尖咀就去碼頭搭船
然後掉低左師兄 我都覺得我地勁衰 HEHE
好神勇的我們完全唔知咩係HARBOUR CENTER
勁快就搵到上埋去拎埋成績
原路搭番船過尖咀搭火車
番到沙田繼續亂咁HEA
同埋BOOK左4間餐廳GE檯
再去和民取籌等食

點知本身話冇位GE RUBY TUESDAY竟然有位
於是又落番去
今晚有十個人 爭IRIS同CANNY
可惜要坐長檯 傾唔到偈
一埋位大家倒晒D手信出唻
日本+澳門+台灣
一路食一路等ANGY同哥哥
一路勁吹水
又有人有好多GAP事
包括我問「李賴俊卿係男人定女人」
ANGY「主是我的羊」「TUESDAY RUBY」「BIT D鐵蛋出唻好似生仔」
PEN俾MAGGIE一句「用中文」大到收左聲
陳珍繼續俾人串勁食野
同埋SHARE左今日師兄的菲律賓言論
話說今日講起我俾人話似菲律賓人
有人貌似講好說話地加左句︰「菲律賓都有靚女」
再死心不息加句「選世界小姐都一定有個菲律賓小姐啦」
哼! 不過算 我好大方GE 但我一定會報復

跟住無啦啦一堆教會學校人分批唱中英文版HYMNS
好得意

玩到0940我地就趕住去買飛睇BJ2
我同MAGGIE多多飛奔去UA
揀左位佢無啦啦問我地係咪今個月生日
我話係 佢就HING HING HUM HUM幫我搞MEMBER CARD
勁唔知做咩之下成為了MEMBER 平左5蚊再收左一疊COUPONS....
意外收穫


BJ2 好多人睇左 每個人都話好睇 同意
有人話BJ1好睇D 亦同意
BJ2 有點似新紮師妹
有D位玩過左火
終於明白?晚睇BJ1 沛沛做咩一見到DARCY就大嗌
因為今日我一見到DARCY ?D?位都忍唔住大叫
世上會有咁GE好男人咩 算罷啦
不過繼續好?
睇到BJ差D同DANIEL ?度勁驚佢紅杏出牆
如果有的話我唔想DARCY同番佢一齊 好彩LAST MOMENT...
打交位依舊好睇 起飛腳 哈哈 但係我鍾意 我鍾意DANIEL問DARCY WHY DON'T U MARRY HER
最尾求婚位亦係超正 超超正
DARCY個樣 嘩....
之後講番 大家果然係女人 完全冇錯過BJ坐完監瘦左D呢個事實 HEHE
如果BJ1係9分 BJ2我俾8分
極力推介 我下一個目標會係鯊膽大話王或PHANTOM
係 我知仲睇鯊有D OUT但我想睇
同埋我等梗公主復仇記出VCD
仲有李泳萱話BEFORE SUNRISE同SUNSET的VCD/DVD SET!

睇完戲就搭火車番去
同多多兩個行上山
講起山村徑叫山村徑
同埋有人話聽到有男人咳聲
恐怖的MMW + 5樓架LIFT開門有人入LIFT
之後就番宿沖涼