我今日拯救左兩個市民

今日第一日坐入centre
接左兩個live 嘅 ambulance call
雖然都係minor injuries
但係超緊張
收call嘅時候手都震埋呀
不斷叫自己冷靜d
但係都係冇用囉
平時做到嘅野坐到埋位都唔記得晒喇

終於明白點解部門俾兩條柴我地
當你讀左三個月書但一滴實戰經驗都冇
就睇你個人嘅本身質素
可唔可以叫自己calm down
可唔可以客觀睇case
可唔可以同caller 有好嘅溝通
就睇你底o個浸喇

今日終於認識左巫sir個老死琪琪師姐
超級勁fit!

狗人當道

短短個幾月已經喺新公司發現左壞人
以前公司都有勁多衰人
但係以前我係老鬼嘛
可以整治佢地
而家做新人
無謂為左呢啲狗人整臭自己個名

因為舊公司o既特殊身份
俾人屈+唱我靠關係入新公司
o係新公司有大粒照
其實諗諗下都幾開心
如果新同事們都信左呢單嘢
可能反而會對我客氣啲

呢個世界如果冇晒呢啲PK
可能冇辦法訓練本小姐o既EQ

^^

眨下眼o係新公司train左差唔多個半月
好多野都開始慢慢習慣lu~~
同埋好叻叻戒掉左粗言穢語
而家係超級斯文呀

o係八鄉出嚟之後都係忙住上堂讀書
只係見過春花咋~
同埋去探胡先生班時探過下啲舊同事
大家都話我短頭髮好睇
唔想呀
不過今日為左嚴守"髮尾唔掂領"o既戒條
又勁剪左一次頭髮
勁勁短
同埋好多人話我瘦左噃
我自己都唔係好覺
不過照鏡見塊面真係好似好尖咁
要食番勁多野補充呀

想講人年紀大真係記性唔好
又唔捱得夜
讀書讀得好辛苦呀
不過好開心
同埋呢幾個月最大o既得著係
習慣著制服要挺胸收腹
而家就算著便服都自然會企直個人
條長期病患腰竟然冇乜點痛
神奇呀
大家都練習下做一個腰板要直o既人
可以消除駝背同埋高低膊帶嚟o既長期腰痛!!