病病病病病

寫完上一個entry後
竟然病得更唔清唔楚

8點幾媽媽陪我落樓下睇中醫
好耐未試過有媽媽陪我睇醫生
媽媽拖住我的感覺
好似番左細個咁樣
幾乎行都行唔郁的情況下
終於落到去睇醫生執藥番屋企

番到去連媽媽煲俾我ge粥都食唔落
就咁lui低訓左覺

頭痛 頭重重 肚痛 作嘔 加埋周身骨痛
好耐未試過病到咁
訓o係床度訓下醒下
病到喊 咁大個女第一次試
辛苦到忍唔住流眼略妨嶀Q點幾起身飲藥
然後繼續訓
12點醒左 有d想嘔
走入廁所 竟然嘔到唔清唔楚
胃裡面ge所有野作極速上向流動
連胃酸都嘔埋出唻
嘔完喉嚨好似火燒咁
應該係d胃酸太corrosive
於是勁飲水 飲完又想嘔

都係訓番落床
但係d骨好痛
e e um um咁呻吟
我都覺得自己好煩
但係唔嗌的話我會爆炸 太辛苦
探左熱
發現原來燒到102度喎
但食左中藥唔可以食退燒藥

2點幾又醒
媽媽都醒左
再探熱都係發梗燒
但由於隔左4個鐘 終於可以食退燒藥
食完繼續訓
其實訓得太多已經好精神
但係又周身痛
所以繼續訓下醒下
5點醒一次
6點幾又醒
7點幾起身
食左粥
再探熱
仲係有燒
於是媽媽陪我出去觀塘睇西醫
等的時候又繼續訓
10點終於拎到藥番屋企
媽媽要買送 我自己搭車番屋企
在車上食左藥
但都係想嘔

落車行番屋企的途中
發現條斜路係長到你唔信
幾經辛苦終於番到唻

老土到爆
但身體健康真係超重要...



btw 病原來都係好幸福
因為全世界當我係皇帝
爸爸媽媽家姐一家姐二輪流問我 有冇事呀
一家人的感覺好好好好好溫馨