看戲

難得有空的星期日早上
去左PALACE IFC睇酒佬日記

一個人 o係天文台話十七年唻最凍的三月的一天
晨早流流碌出中環睇戲 勁!!!
忍唔住手訂左飛之過
於是乎噚晚12點訓
今朝8點撐起身
已經係過去一星期最早訓亦訓得最多的一天

朝早ge中環 原來除左菲傭之外係唔會有其他人
去到ifc arm arm好趕得切拎飛然後入場
早知唔訂 個場都唔滿 大約得七成
我諗我真係有d唔舒服兼累積左超級睡眠不足
開場頭20分鐘 斷斷續續咁訓著左
好彩都follow到劇情
然之後越睇越精神

2個幾鐘頭我居然完全冇諗過望錶
到完場一刻先睇一睇 嘩原來2個鐘喇

我覺得jack的行為太荒謬
到底現實會唔會係咁
定係只係我太唔了解男人
如果到要同一個人結婚都仍然有咁多謊言
我覺得太悲涼了
愛一個人我可能會呃呇�要同一個人共渡餘生之前
我諗我會confess所有野
make sure佢接受到and 唔會有將來翻案的可能
我先可以心安理得過埋下半世
咁樣講完我覺得好戇居
可能呢個世界唔會有咁理想
你講完真話 應該都冇好下場
唔使旨意有人會因為你坦坦白白而感動兼原諒你講過大話
不過唔緊要 我預左自己同自己過世
結婚只會係閃電又何用理會共渡餘生
mr cheung都係疊埋心水履行六十歲之約罷了
那時餘生不過只是三兩年貨仔之事 唔使怕頂我唔順

出乎意料之外故事中人竟然有好結果
大話精jack結果成功完謊 開開心心攬住老婆過世
miles竟然鼓得起勇氣去表白兼且最後九成抱得美人歸
意外意外
半open end的結局有好有唔好
好的係有人可以估佢大團圓結局 開開心心離開戲院
唔好ge係我呢d悲觀精仍可以有無限想像空間
去諗落幕後可能人地一開門有另一個男人o係屋裡面

之前家姐話呢齣之所以三級o個個位不容錯失
果然係笑到趴地 抵死到不得了
早起身兼用左5蚊訂飛都抵