噚晚

from陳珍

師兄︰唉，噚晚....
maggie︰你唔好提噚晚呀!!!

現場一片死寂
思考空間無限

變態

家姐男朋友耐不耐就話要介紹個
佢話正常 但劉嘉欣同我家姐都大呼騎呢的男子俾我識
我諗佢有d變態......
係咪d拍梗拖ge人就有舖做媒癮
定係佢真係真變態呢...
我好擔心我家姐
因為佢竟然覺得佢男朋友都係正常
我 無 話 可 說

7Pseooo

又一個零工作的星期天
昨晚未夠一時便昏昏沉沉睡去
較了0830 - 1000 的鬧鐘
結果1100猛然紮醒 工作意欲=零
1點鐘出發往石硤尾
一如所料 大家照例遲到

1420 先到萬寧買禮盒
一無所獲之下再闖惠康
好不容易才買到一盒吉百利朱古力
1455 到達mrs lam家門外
今年只得6個人出席的7P團拜 依舊愉快
大家又再談起前途問題
芳的in督察笑話
淫的警犬大計
pril的anti-chem
還有glorr karen lup
然後又說起sister
還有很型的form 7 susan
除了阿粒 似乎大家都背棄了自己的學科
這就是大學教育

近6時離開 獨個兒往旺角逛街
在K2找到一直想買的厚冷衫
期望在冬天擁有那種被擁抱的溫暖感覺
結果只有DISPLAY的那一件
它也曾給過另一個人溫暖吧
於是我放下它離開了
如果不想要 就不要 能這樣簡單多好
我只要最好的

new game begins

起床後看了報紙 上網 做功課 洗衣服 print功課 煮午飯 上photojour
連續兩個星期六這個時間這個地點碰見阿芯

上photojour
接到上星期的功課
奇跡地比上一份還要高半分 奇怪...
今天教caption writing + portrait
起初狀態良好 密密抄筆記
到看相的時候就睡著了
在昏暗的投映機燈光下熟睡 感覺很好

昨天睡得太差
八點多就起床了
一語成讖...
報應

下課跟包和多多坐校巴到火車站
途中又被勁串了...
還有...玩這個遊戲原來很難

movie

送舊

26/02/05

送多多回宿舍 然後一個人走回家
這樣的一個晚上 夜景很美
昨天 今天晚上也談過了很多
了解自己了解你們也多了一點
今晚跟多多說了一些很久沒有說過的話
不知道有沒有用

那個好像很懂得談愛情的我似乎又回來了
情形就像看a beautiful mind的john nash visualize數字一樣
不懂得怎去形容 反正就是這樣
然後回程的路上 好像想到了很多
原來要懂得去解釋它想像它分析它
首先你不要擁有它
那我大概永遠不該擁有愛情

多多說情緒低落是病的先兆
那我希望快點痛痛快快的病一場
因為病到半死的那個我可以軟弱一會
多多說未看過我看戲時流哭
流眼淚太容易 要感動卻太難
我說很久沒有被感動過
這大概因為沒有人會去感動我
多多問我那種感覺
我說那種感覺教人太難受了
心底裡我卻有一點享受
可能因為我是自虐狂

我喜歡流淚喜歡痛哭喜歡悲觀喜歡自我傷害
我討厭微笑討厭造作討厭熱鬧有時討厭自己
這夜我想哭個痛快
我不想睡 我怕睡醒忘掉這種感覺

edison

ms olivia chung

..

今朝上directing roadshow人再次到訪
先講mtv
上次講開話佢會搵kiki 李國能 中大女生同黃貫中
我地仲講笑咁話可能拍paul時會搭個朱茵
點知今次confirm左冇paul 換成朱茵 真係開口中...

跟住大家睇左兩個mv
再聽埋d歌
朱小姐一開口 全班爆笑 嘩佢d國語佢把聲...
中大女生把聲係全部人中最好
而且聽聞樣子不錯啊~
然後就抽籤
好似上sem大家排晒preference
我地排1. 中大女生song b
2. 中大女生song a
3. 李國能
4. kiki
策略成功 最差都有李國能
最後同sarah諗住包剪dup解決但變成james kenny擲銀仔
yeah 贏左~
得到中大女生song b
可憐的kristy o個組得到左朱茵

想話俾大家知 5組爭5個人
朱茵得到的排位係4, 5, 5, 5, 5
絕.......

然之後問起docu nf 的事
你好野一句冇期要排到七月
我真係差d忍唔住好嬲好嬲好嬲
我係真係好嬲
如果我地唔掂你唔要我地d野 fine
但係係因為你自己d admin野搞到我地冇得播就真係好慶
嬲到爆炸左....



上完堂打俾家姐 佢今日入中大拎cert
順便拎湯俾我飲
o係火車站等佢時撞到penelope
然之後我根據佢ge指示去左嶺南場影人踢波
佢話應該影到
有六個人踢梗波 初時有d驚 好彩冇俾人鬧
之後問左佢地 佢地俾我影仲超級好人
有個人問我yr幾 我話year 3 佢地呆一呆
勁樣衰....
其中有一個貌似陳冠希的 佢仲同我講野!!!!
影左一筒多d菲林 就同家姐出左沙田食飯

食完行左一陣街
然後就去左晒相
之後番唻ed相

永不之地

終於看了finding neverland

比想像中哭得更多
kate winslet 和johnny depp讓我很感動
從peter拆掉佈景那一幕開始
然後theatre的旋轉鏡頭終於停在peter前的一剎
眼淚終於流出來

沒有想過kate winslet會死
沒有想過johnny depp真的愛上了她
他說的just believe
他說的i have tried
他說的neverland
通通讓我想哭
當佈景緩緩升起 看見花園中的neverland
眼淚再忍不住
感動一個人 不容易

上一次看電影時哭 好像是《我左眼見到鬼》
師兄說結局很煽情 其實我不覺得
想說的不多 實在喜歡這齣電影
也很想看看小飛俠舞台劇

趁還未落畫 想看要快點了

師兄冷血的
上半場睡著
對下半場的comment只有一句「舖得唔夠 好煽情」

RE: fying's 憶起ocamp

每當失去信心的時候，我也會想起ocamp，原來已經是前年的事了。對，ocamp是屬於一個莊的集體記憶。每一件小事都深刻得好像昨天的事，就是連無天無日開會的日子當中，某天吃過city canteen的鱆魚肉餅蒸飯也記得清清楚楚。跟你一樣懷念那些美好的、快樂的日子。

聽到你們說上莊是因為ocamp，其實我很感動。

剛過了ocamp，陷入了一種自我否定的日子，也會去想其實可以做更多，其實我是一個隱形組媽，對不起組仔組女。那些日子，好難過。結果也捱過了。我記得ocamp的第二個晚上，唐穎欣跟我說︰大家都盡左力去做好件事，有做得唔夠好係好正常，你諗下，ocamp都過左一半喇，我地應該好好珍惜淨番ge時間，唔開心野，記唻做咩？

遺憾，總免不了。有一次，當我想起ocamp的遺憾，我回看了其他人的ocamp日誌，結果我看到了許許多多快樂的回憶，許許多多的讚賞，然後我忘記了那些遺憾和自責，然後我讓ocamp成為了只有快樂和笑聲的美好記憶。

參加你們ocamp過後的一篇日記中，我寫道︰恕我自戀自大，但是節目部部主的感覺永遠只有節目部部主才能夠擁有，只有站過在這位置，才會有這些回憶，無論誰都不能體會。「要憶起時，有感而發便能寫出一大堆可能沒有人明白的話，這就是它的魔力」對，這就是它的魔力。

03年我也幹過一件大事。

ocamp是我們的，永遠都是。

宋依洛

我會好掛住你架宋痴痴!!!!!!

乒乓波

今日present hksoc
加交hksoc paper
兩者 一個頹分數（只佔6%的present)
一個頹字數(40%但只需2000字的論文）
present ok la
同埋今日阿李以莊問我地要唔要上tutorial時
佢以「師姐師姐」作開場白 gap死...
之後同陳珍講番 佢問我︰李以莊係咪你師弟
一出口即知lai野 我讀女校架老細

上完堂 1415 諗住出沙田影相 點知煙雨濛濛
原本想放棄拍照 跟綸綸一齊去參觀post production house
但余詠琪突然提出
佢係約左atv 同事打乒乓球
我可以出去影佢喎
於是樣衰衰跟左佢出去
出去佐敦的室內運動場
一個將乒乓波檯放o係壁球室的地方
原來佢d同事全部係cam man
出到去有兩個人到左
陸續再有多兩個人到

原來atv d cam man係好傻架 玩得好癲...
突登擺甫士俾我影佢地 突登飛身殺波
仲教埋我用咩快門 用咩光圈 用咩角度
最癲ge一件事係佢地兩個夾份搶左我部相機
逼我呢個滴滴仔都半桶水的人落場打
佢地用ge搶相機方法係 唧人..... 係細路行為
可惜我唔怕唧....

最後都有打兼俾人勁笑
仲有目擊一個重要的moment 琪琪.....
之後佢地送左我去搭車 佢地去食飯
番左沙田晒相兼等哥哥陳珍師兄食晚飯
去左一間鋸扒的地方
1845前order 1930前結賬可享優惠價食大大份扒兼有湯有餐飲
火速入座兼落單 前所未有
成功一人50蚊結賬 好飽

番中大傾proj directing again!!
在陳珍宿發生恐怖事
好想講但係唔可以.... 你地自己問師兄佢做過d咩...
好難受 我怕我今晚會發惡夢....
7點幾8點開始傾 結果都係傾到2點
點解....
中途食左好多野 吹左一d水喇又...
但個故仔大致成形 感覺良好~

聽日再戰 grad din, multi, 補習...
而家要做埋directing d野
眼訓~

幸福摩天輪

每次響起它的前奏
我都想哭
不是寂寞 只因為感動

這天晚上戴著HEADPHONE
反覆聽著這首歌
很久沒有做過的事...

追追趕趕 高高低低
深呼吸然後與你執手相隨
甜蜜中不再畏高
可這樣跟你蕩來蕩去 無畏無懼

天荒地老流連在摩天輪
在高處凝望世界流動
失落之處仍然會笑著哭
人間的跌盪 默默迎送

當生命似流連在摩天輪
幸福處隨時吻到星空
驚慄之處仍能與你互擁
彷彿遊戲之中 忘掉輕重

追追趕趕 高高低低
驚險的程度叫畏高者昏迷
憑甚麼不怕跌低
多僥倖跟你共同面對 時間流逝

東歪西倒 忽高忽低
心驚與膽顫 去建立這親厚關係
沿途就算意外脫軌
多得你 陪我搖曳

測名

http://msn.veryname.com/fate/name/star/standard/index.php

凍 (edited)

噚晚夜訓 今朝早起唔到
10:35踏入com lab
gapsy姐已經到左 因為佢要online交功課所以準時起身
哥哥同師兄遲遲未到
打俾佢地 仲o係校巴
冬天的而且確令人懶散 懶到唔想起身唔想食野連郁都唔想
傾multi productivity奇低
大家掛住睇送舊相同埋掛住hea
諗左幾個頹題目 又要再傾lu
o係com lab見到肥先生
同佢玩左一陣 佢張大頭相真係勁得人驚

跟住過左na can食飯
我冇食野 番宿先食 陪佢地坐下
見到chishing同emily
原本想一齊坐 但張檯太細而且仲有vincent未到
於是師兄依依不捨看著emily離去
見到vincent時更流露失落表情
.....好慘.... 但佢原來已經搭上左陳珍
同埋頸巾一陣幽會過後的香水味罪証
噢....

而家番左宿 食左少少野 hea梗
預備寫我的香港社會paper
料 已經搵左 但我冇能量做野
我現在只想冬眠...
好凍好凍好凍

寫於17:24
最白痴的還是我在lab蒲了半天
居然完全忘記了要print present outline
16:50猛然醒起
於是冒著比早上還要冷的寒風到ed lab print
穿著厚厚的外衣 身體很暖 但手像冰一樣冷

聽eason唱著《我們都寂寞》
我害怕什麼 怕什麼 我不知道愛算什麼
而我又算什麼 我們都寂寞

那天

那天你說︰「你說吧，你不說我不會知道...」

我說︰「我也不知道...」

今天想起 我會會心微笑

你不會看到 但我知道你會記得

那天看到你 我真的很快樂

我 不是那一個我

我 還是那一個我

利是錢

我要歌頌我親愛的二家姐
佢仗義疏財補貼我夠2000蚊利是
所謂姊妹情深 我覺得異常感動

但事緣係佢今年比上年更多利是錢
我掠完佢佢都仲有3XXX
咁我冇理由唔掠佢...哈哈哈哈

送舊相

........................更多照片

新亞送舊

0845
鬧鐘響

0905
陳珍打唻問送舊有冇因天雨取消
佢 病到七彩

0910
我起身

0915
出門口同糖糖去med can食早?
0950
離開med can番宿裝身

1000
敷左個mask之後開始化妝 換衫 整頭 執野

1000 - 1100
我同糖個電話鬥響

1105
出發去樂群映單人照
送舊就正式開始

去到樂群排隊影相
跟住師兄同陳之之到左
一齊等影相
收到哥哥同肥先生送的禮物
發生左小意外 因為除左耳環影相 搞到差d唔見左劉嘉欣送的耳環
嚇到幫我keep的糖糖死左 我都勁驚
好彩最尾都搵得番 o個一刻真係好緊張 好彩冇事咋
之後去counter拎襟花同埋擺低d野
開始勁影相lu
波波橋好靚呀

拆左隻公仔出唻 原來係一個大pinky頭
於是捉住肥先生影左張相
同師兄影 pen用我的dc
佢竟然係用左movie mode 激死
跟住怒影相 等k同蘇菲
越來越多人 影相 影相 影相 怒影!!!
我個cam man張結繩小姐好似好耐冇用過相機 舞唔掂咁
忍唔住笑左佢一輪

doot秋芳pril淫su程程痴痴都唻左同我影相
仲有la la la 同埋脫苦海
係脫苦海lor!!!!超勁!!!!
痴痴程程送左一個pinky俾我
lalala送左一個mcdull
好得意架!!!
仲有不得不提綸綸的bitches轉轉牌

玩下玩下 又落下雨 落一陣又停下
好彩唔係太大 但係都有少少掃興
不過我地一於唔理 好快就到左一點切燒豬開香檳的時間
首先有一個爆波儀式
一人拎一支竹籤 前面一行波波 好似剪綵咁 好好玩呀
跟住切燒豬 大家勁搶中間位 我係贏左架 勁開心
到左開香檳時間
我覺得自己好叻
因為我係第一個開到支香檳同埋噴到人架
頭先睇番d movie原來真係噴得好勁
and原來我chok香檳 同埋噴到香檳時係勁o係度跳 勁興奮
（事後俾人話我好狼死....hehe.....都唔係je）
噴唔到賴文可 我覺得好遺憾

之後就影團體相
然後我地去左人文館搗亂 同monique影左相
不過搵唔到emily喎 師兄勁失望
跟住hea多一陣去左食野
嗌左野食又同k碌番過誠明搵glorr
仲見到好耐冇見的鄧美人
粒竟然送左支玫瑰俾我
wow...

之後番去繼續食野
食完就散左lu 支力到痴線
番到宿同糖繼續癲 o係度勁影d公仔ge相
佢勁鍾意我個pinky lor
你唔使旨意搶佢呀 我今晚就攬住佢地訓
你有你ge熊貓丫嘛

跟住同糖一齊搭校巴
佢番屋企我就出去晒相
等晒相的過程差d又忍唔住手買衫
仲見到有師兄件fingercroxx 褸
147蚊ja 想買zip up jacket的我為免再lai野 都係唔好買
跟住周圍行到夠鐘
拎左d相 唔算太好 但尚可以 而且我仲有好多野做
決定唔再影lu 等我仲拎左相機同tripod tim
跟住搭車番宿
番到唻食左d野
打od打到而家我好累要去沖涼然後做功課然後好好訓一覺

新亞送舊
好多人唻左 好多人同我影相
我今日好好彩 撞到阿芯 magmag 同埋teresa tse
其實我好真係鍾意新亞
其實我真係好唔想畢業
其實我今日真係好開心
thanz all~

找天我要自己再看一次closer

送舊前夕

期待左好一段日子ge送舊
原來可以dum一聲就完左
噚日落左multi堂
因為其他人都唔得閒
同maggie去左旺角花墟拎我同阿糖紮花
其實我冇乜所謂架 不過maggie一直都話我要自己拎唔係幾好
anyway最後都係我出去
出去前打俾maggie
佢話原來佢出左沙田搵飛天小女警公仔喎
原來係諗住買隻buttercup俾師兄
於是我就同都係去旺角的師兄搭車出旺角先
咁我就行住新世紀

點知maggie打唻話買唔到
於是我就o係新世紀怒跑 行左四層都搵唔到有賣飛天小女警的店舖
而早兩日已掃左旺角一次的多多都掉低左個friend 去左銅鑼灣度搵
等到maggie出唻一齊時就一齊去拎左花先
heidi負責訂花
我o個紮係好靚的火百合 真係好靚架
糖o個紮係紫色鬱金香
跟住一人一紮花走去行花園街搵buttercup
問d店舖ge人有冇飛天小女警
答案分別有︰而家唔流行架喇喎 and 冇賣好耐喇喎 之類
搞到我地兩個勁樣衰
途中見到一個好靚的keroppi花 原本想買俾penelope
結果我買左一個俾自己先 hehe 好得意ga 仲要青bb襯番我件袍

掃左成條花園街 連小女警假貨都冇一件
途中我同maggie恕吼左最少十次
「賴文可男人老狗學咩人鍾意飛天小女警 又out喎」
於是要去旺角o個邊食飯的maggie話不如分頭搵
佢去旺角 我行聯合廣場
於是我就larn番過去 行左始創的iPO 冇
聯合都係冇 仲要勁逼人

打俾多多 佢搵唔到 maggie又搵唔到
諗住打俾哥哥問佢知唔知
點知佢話原來師兄已經移情別戀鍾意左魔女宅急便的貓貓
早知唔使行得咁辛苦 因為我100% sure 瓊華中心有
激死 於是o係聯合行去旺角去瓊華
我ge目標店舖即時bingo左
但係諗住反正出到去 不如睇下有冇buttercup
於是又掃左成幢瓊華一次
最後都係冇 於是買左隻貓貓
原來佢好得意 好好摸又軟lum lum咁

之後即刻衝去搭車
捧住紮花其實已經手抽筋仲要在熙來攘往的旺角穿梭
真係辛苦到爆 於是我獎勵自己唔使行番去火車站
搭左地鐵再轉火車
去到九龍塘打俾師兄 佢arm arm o係大埔走
於是我趕唔切番宿擺低d野 唯有將佢份禮物夾硬塞落我個已經好多野ge袋
然之後番大學站等埋佢一齊行上陳珍宿傾proj

在途中 賴文可親口承認「只會買劍蘭」
噢~

行到上何宿 上埋4層樓梯 又熱喎
完全覺得對腳唔屬於我
加上未食野 於是鯨吞左陳珍的三角黑朱古力

傾傾下陳珍出左去 我地break一break
發生令人忍唔住想爆炸的事
師兄︰我買左隻公仔聽日送舊
我（心裡涼了半截）︰咩唻架
師兄拎左隻buttercup出唻︰呢隻lor
我（心裡面嗌頂）︰o係邊度買架
師兄︰潮流特區
我（再忍唔住頂）︰哦 係呀？
師兄︰其實我屋企仲有一隻
我（另外o個半截都涼埋）︰又咩唻架
師兄︰魔女宅急便的黑貓
我（頂............）︰坐o係度架？
師兄︰係呀
我（好彩我買o個隻係趴o係度）
師兄︰好似出左隻新ge係趴o係度
我（我夠知啦~）
激到我彈起 有咩理由我地三個人完全一條小女警毛都刮唔到
而佢可以只o係用少少時間在旺角打個轉就可以買到

其實仲發生左令人更爆炸的事
師兄問我點解咁晏先番到唻喎
我話去左行下
佢竟然好輕佻咁同我講︰你拎住咁多野仲要去行街 番唻擺低野啦
言下之意完全係︰law苦唻辛
我即時在心裡面諗︰好 我忍 你睇我聽日鬧唔鬧死你
勁勁勁勁勁想爆炸
你地應該明白我吞左o個一啖氣需要ge氣量係幾咁大 哼~

傾傾下好大雨 好擔心第二日會落雨的我 唉左一野
maggie就即刻話 唔緊要啦 今晚落晒聽日就冇雨架喇
阿賴先生就慌死我唔灰咁話
唔係喎天文台話聽日係會落雨架
我啤一聲 maggie 啤十聲
陳珍︰都明知maggie係想tum佢 我都唔出聲架啦 你....
師兄︰唔係ge 聽日未必會落雨ge
我地三個︰得喇 唔好補充

跟住繼續傾proj
1點40出發番宿lu
拎住兩紮花 毛毛雨 加埋開始轉冷的天氣 wow
番到宿即刻沖涼訓覺lu
隻腳好似就唻抽筋咁 我諗我行左太多路

給尤碧笙

見到張相 死未？

我要睇小飛俠

噚晚傾到3點幾
轉左故事 但傾得ok smooth
我覺得我地唔會死
船頭橋頭自然直
同埋上sem docu我地都轉過interviewee
最後最高分 所以我信我地掂

今日勁乖
9點幾撐左起身睇readings
然之後食左少少野就出街影相
跟住番左屋企拎野
家姐原來仲放梗假喎
飲左媽媽留俾我的青紅蘿蔔湯
同埋家姐從長洲帶番唻的芒果糯米chi
十個好食 d芒果勁juicyyyyyy 好好味
跟住影左少少相
不過趕唔切晒tim
搭車番中大 拎袍俾人
番宿擺好d野 睇下readings
然之後煮左個通粉
今日好累呀 周圍走

頭先上broadway網頁
發現小飛俠得cinematheque, o city 同埋ifc有得做ja
d時間仲要好怪
（其實今晚ifc有 但係我要傾野 ...）
其實去UA會方便D
但係手上拎住表哥俾的broadway coupon 唔係唔用呀嘛
仲係連ifc都用得的ticket exchange coupon
睇番場60蚊真係乜都抵晒
有冇人想睇finding neverland 話我知

長洲相片

http://teresacamel.multiply.com/photos/album/8

情人節

我諗我地真係成為左一家人
新年流流四條友去長洲
我咁大個女未試過咁少人去離島
少人去個感覺好唔同

原本初五早上諗住同唔到麻麻飲茶
但係因為大家約遲左的關係
竟然飲到仲可以上叔叔屋企hea兼睇細佬打機
hea到1點半落街搭車去中環
由於只係過一晚 出奇地執左好少野去
puma袋竟然裝得晒有餘

2:15已經去到 買左本monday睇唻hea時間
跟住師兄到萱萱到哥哥到 3點鐘船
去到拎鎖匙擺低野然後去百佳買野食野飲再番去擺低
然後去左行沙灘再周圍流連
在沙灘上用左黃金分割幫哥哥影左張ok有mood的相
仲有佢同師兄鴛鴦戲水的照片 遲d post
跟住o係d巷仔亂咁行亂咁捐
最後揀左一個紅色帳幕食晚飯
好有一家人的感覺 我覺得比bbq同打邊爐都要好

然之後番去一邊睇電影一邊玩
大話啤 超級潛烏龜 uno 大富翁
想灌醉師兄不遂
結果有人好早訓左
淨低3個人等頭髮乾
睇左一場都幾dramatic的波
4:4和波完場
之後想睇日出結果因為多雲睇唔到
白白捱左眼訓
番去訓左3個幾鐘依計劃起身食麵
然後執野走交房

o係碼頭隔離搭左一架小小ge船去張保仔洞
冇帶電筒ge我地最後連同另一個家庭痴左另一個人的電筒
本身個家庭的爸爸話︰既然冇電筒大家拎電話入去照啦
緊隨佢地媽媽入洞的我聽到媽媽同個仔講︰
裡面都收唔到 帶電話入去做咩喎
笑到我碌地 可能佢以為用電話當walkie talkie溝通洞內狀況
成功穿越張保仔洞
我真係覺得好好彩因為我係同你地去
如果係同其他friend未必肯陪我捐張保仔洞
然之後行到一個海邊
我地竟然又坐低左玩啤牌 好病態
但別有一番風味

之後搭番小船過碼頭 竟然趕到一班船番中環
去到中環再搭船過尖咀食lunch
去左 citysuper食野
食完同萱萱一齊去搭地鐵
途中想扮情侶睇下個賣花的姨姨會唔會兜搭我地
點知行到佢面前佢bing bang跌左成籃玫瑰落地
於是扮梗情侶ge我地mou低左幫佢執花
之後問左李泳萱一個問題
佢竟然話︰睇下邊度啦
竟然要諗下邊度先決定
.........你唔使驚 已經話左俾人聽 嘩哈哈哈
情人節好彩有你地陪我過
我冇諗起過寂寞兩個字
番到屋企執好d野即時昏迷左三粒鐘
8點幾起身食飯
然後逼媽媽去訓覺 因為佢病左
爸爸洗碗 我抹地
同埋斟藥拎入房俾媽媽飲
餵佢食陳皮梅
細個媽媽都係咁照顧我的~ 勁溫馨~
之後執埋番宿的行李睇左少少電視
12點訓落床
除左日出時諗起雙失情人節外 呢日都唔係好難過je

電影x2

冇諗住寫影評 唔使嚇親
噚日同家姐同gary去睇CONSTANTINE
失望左tim...唔算十分好睇
劇情有點普通 而且都幾說教
faith+repentence+sacrifice=heaven
成個故事講完
gary話angel gabriel就等如i,robot裡面部腦
明少少但唔算太明
而且佢對未燒晒的翼落到人間應該會穿崩
女主角的黑bra白衫亦係想死位
但係keanu reeves真係超型 哈哈

好耐未試過full house睇戲
但係情願唔full 因為d人勁嘈
勁多人響電話講電話
觀眾甲︰「喂...係...3, 11, 12...係係係」 佢買馬
觀眾乙︰「係呀 呢排d天氣都係咁...」 佢傾閒偈
至於我隔離個大叔都響左三次聽左兩次電話
雖然佢已經比較細聲
但係sorry呢個世界有震機你知道唔知道呀
真係唔明點解佢死都唔肯較震機
又或者佢只係唔識 咁我會奉勸佢不如試下唔好用電話
anywayzzzzzz
補充一點 原來UA 沙田係冇正常的焦糖爆谷
朱古力味..太甜...唔可以一路食唔停口

睇完戲去姑婆屋企途中見到間VCD舖播梗《鯊膽大話王》
我同家姐被秦沛的聲音攝左入去
想買番隻VCD但係49蚊我地決定等佢跌少少價先
周圍睇 結果買左想睇好耐的《福伯》
家姐極力推介的《偶斷絲連》
同埋師兄話04必睇的《柔道龍虎榜》
19蚊隻埋單剛剛就係我地睇CONSTANTINE的一張飛價錢
不過家姐請左我睇戲 哈哈
於是我埋左VCD張單

今朝起身想睇戲 由於福伯同偶斷絲連都要等番左工的家姐一齊睇
我就睇左柔道
劇情唻講 向黑澤明致敬的電影當然我唔EXPECT佢天花龍鳳
所以簡單的故事已經很好
雖然高手有病呢條橋已經好舊
一開場忍唔住將FOCUS放在燈光上
初時有少少諗起PTU
射燈 晚上 街道
後來慢慢冇左呢個感覺
但燈光仍舊好正
好鍾意古天樂o係街上一邊跑一邊郁手郁腳o個段
如果我地條片可以用到o個d鏡頭真係死而無憾
蔡一智唱的日文歌好點題
同埋「你好 我係阿正 我做姿三四郎 你做檜桓丫」好正
郭富城 都係咁ge樣 打.叫.跑 完左
應采兒 點解要係有錢女 老土左
整體感覺良好

2/11/05

年初二 朝早o係屋企食左豐富的開年飯
然後一邊睇readings一邊hea
下晝o係屋企睇「嚦咕嚦咕新年財」
喂我真係覺得好好睇
4點幾出門口 去婆婆度食飯
入到去未出發去茶樓
於是坐落檯打左幾舖
媽媽贏左勁多任我敗 好彩我ok生性
好似只係輸左佢幾蚊
book左張大檯但我地竟然坐足十八人
因為想一張檯所以逼到痴線
d野都幾好食
大家用可樂、糖同朱古力勁引我個bb
搞到佢勁心郁郁
拎住粒糖佢媽媽話「硬架唔好食啦」
佢竟然駁咀話「硬咩呀硬」 勁大膽
走o個陣一路o係車同佢玩
原來佢真係超冇膽
同埋佢終於記得我係婷婷姑姐

今日係年初三lu
入左蠔涌同叔公飲茶
飲茶前去左車公廟 時間尚早冇乜人
爸爸媽媽入去拜神
我地o係出面睇報紙
爸爸買左新報 簡直就係呃錢
得o個幾張紙 國際新聞得o個1版
娛樂版頭條竟然係歌神坐飛船差d仆親
冇新聞到咁？
同爸爸講叫佢下次唔好再買 但其實我相信佢買係因為份馬經好睇
所以都係算吧啦 我番唻上網睇蘋果好過~
去左西頁碼頭一間海邊的酒家飲茶
室外地方 望住海景飲茶 d蝦餃好好食喎
佢地又再次玩爭俾錢
叔公分別使出「扮出去拎點心」、「扮去洗手間」同「偷偷塞錢」三招
而我地只使出「人多蝦人少」一招就勝出
因為呢間茶樓唔係叔公地頭
佢唔可以好似往年咁 冇單都能夠偷偷埋單
哈哈 超級搞笑
叔公屋企隻狗公阿的已經11歲
家姐話即係人ge70-77歲
唔怪之得佢行路行到pea下pea下想仆咁啦
驚狗驚到會跳上梳化的二家姐
今年唔再驚阿的lu
即使阿的lam佢褲腳都冇乜反應
我問佢點解唔驚 佢話「佢都老啦」
... 竟然恰隻狗老!!

而家番左屋企hea
一陣出去睇constantine 訂左飛去沙田UA
因為今晚要入禾輋 姑婆屋企食飯

我要繼續睇readings lu

如果不想要

如常的拜年 如常的過年
年初一就是這樣過了
在姨媽家渡過半天

談看戲的事
結果我被放飛機了
家姐拍拖就有這點不好
一句「咁唔好預我喇」就沒下文
我不喜歡2對1當電燈膽
所以我也說了一句「咁唔好預我」
那一刻不大好受
雖然最後也成事了
但是心裡面還是有一點納悶

家姐男朋友說祝我今年行桃花運
其實我不想要
我自己一個也可以過得很好
我也知我不會重色輕家庭
那拍甚麼拖
如果不想要 就不要 能這樣簡單多好

小團年

7/2/05
一朝早番左中大 因為要影readings
仲要拎電腦同埋背囊俾爸爸
加分袍俾同學仔
影notes原來都要搞好耐
2點番到屋企擺得d野
依照媽媽吩咐 去左買新年衫
由於兩個家姐都番工
所以我一支公出去尖沙咀
行左利時 新港 同埋一大堆街
最後只係買左一條b+ab ge褲
買唔到衫tim
跟住18:15照原定計劃去中環
o係尖咀地鐵站撞到去街街的kristy sandy同君君
約左爸爸媽媽家姐去中環食印度野 然後行花市
好耐未試過一家人突登出街食飯
同埋好似幾年冇行過花市lu
沿住半山電梯去左中環一間indian cuisine
坐低左 叫左個waitress介紹d特式野俾我地食
結果嗌左
燒羊脾
seafood curry w/ rice
chicken curry
一個類似咖哩角的食物
炸洋蔥圈
fish curry w/ naan
mango yogurt
仲飲左indian expresso同埋奶茶
最後佢仲俾左一d香料我地
再加埋d民族帽俾我地影相 好開心
走o個陣爸爸問個印度姐姐 印度話拜拜點講
點知佢話︰i'm not indian.... gap死左
於是佢叫我地問另一個waiter
再問"how to say byebye in indian"
個waiter話︰just byebye..... 再gap死左

9點幾先去行花市 嘩好多人
一路逼一路搵家姐想要的吹氣手臂雞
我想要的雞頭帽 同埋陳珍的「咯咯閣」攤位（我鍾意呢個名）
佢地仲買左三個毛毛拖鞋
行行下經過家姐個friend elmo的攤檔
佢拎左一個聲稱一拍就會漲的氣球出唻
拍左兩野 冇反應 佢再大力拍
竟然jee左裡面d chemicals出唻
噴到我地前面個deedee 好彩冇事 但我地笑死左
跟住探陳珍 勁想柺走佢隻咀郁郁雞 哈哈

最後我地竟然行得晒成個花市
但爸爸就買唔到想買的蘭花 因為d花太唔靚lu~~
跟住一齊搭690番屋企
o係車上面媽媽好快訓著
點知轉彎時一野hum落玻璃
於是坐佢後面的我全程車就擺隻手o係玻璃隔壁 墊佢個頭
媽媽係勁勁勁沉睡左 哈哈 好成矢賑?
http://client.webshots.com/album/269618336GXToTP

唔該行開

話說hongkong soc要影readings for present
咁我就問一個人拎d書名啦
其中一本係
呂大樂的《唔該埋單》
send俾我o個位同學send icq俾我 佢打左
呂大學 《唔該行開》
我笑到痴左線

大家可以估下呢個人係邊個

最後假期

一星期的新年假 要好好珍惜
因為係大學最後一個長假...
今朝未夠八點起身 同爸爸去秀茂坪同麻麻飲茶
o個間酒樓依舊係唔好食
甚至有轉壞的跡象
不過麻麻行動唔方便 所以唯有近近地
飲到九點幾 爸爸送麻麻番上屋企
我過去藍田搵媽媽
因為今日佢要入新年d貨
我自薦過去幫手拎
原來由秀茂坪行到去德田都係15分鐘 勁快
去到街市搵媽媽同姨媽 表哥都o係到
我接過媽媽剛買ge一大紮花
就被安排「企o係出面等」
原因係避免人多夾親d花
等ge時候對面有個妹妹跟住個大人擺檔
佢細細聲好得意咁嗌「埋唻睇」 勁怕醜
等左20-30分鐘佢地出番唻
再交左一d野俾我 然後移左位
但我係要繼續等
又過多10-15分鐘 終於走lu
搭小巴番屋企
擺低左d野 又再次落街 因為仲有野要買
落樓下街市 買左中午同晚飯ge菜同肉
跟住去左百佳買過年送禮佳品
行左一個圈 但係買唔到 因為媽媽想買o個隻冇喎
然後再去藥材舖執埋藥先番屋企
番到去hea左一陣食午飯
食完再落街幫媽媽買膠紙
同埋之前未買到的茼蒿 仲有新牙刷
拎左番上屋企後我自己去左新都城
因為媽媽勁crit我冇買新衫
我話有幾件新新地
佢又話我d色好殘咁唔知新衫喎
唯有落去逛下 順便睇下萬寧有冇媽媽想要的baci 朱古力
行左好多舖頭
izzue b+ab doublepark arnoldpalmer i.t. couple bauhaus levis marathon gigasports .............
最後一件衫一條褲都冇買
反而買左想買的斯文鞋
i.t. 喎 175蚊咋喎 唔係唔買呀 勁平
跟住落去影音舖買埋菲林
再去a1買麵包做早餐後就搭車番屋企lu
行左一日都幾累呀......

圖片導賞

今日再上photojour
又學到野喇
M.A. 果然係M.A.

PAUL在堂上俾左好多相我地睇
後面有專人「詳盡」地加以解釋

第一張︰外國父子在沙灘上 爸爸將兒子拋到半空中
導賞員︰「唔怪之得D外國人咁鍾意玩機動遊戲啦」
絕.....................................

第二張︰教放射性構圖 圖中有一對情侶在自動電梯上
電梯同個上蓋的線條將視線集中於情侶身上
PAUL: 可惜個主體動作太普通 如果影到佢地KISS就會更好
導賞員︰「叫佢地KISS咪得LOR」

第三張︰一個男人坐o係鏡檯前再拎住塊鏡
從佢ge POV影過去就有兩個男人的IMAGE
導賞員︰「我想問呢 係咪所有相都係真GA」
PAUL︰「咩叫所有相都係真？」
原來佢意思係話係咪搵MODEL影
PAUL︰「咁有D係真有D可以係搵人影GE」
靜左.......

呢個世界係真係有D咁冇SENSE GE人架LOR...
點解 你話點解呢D人可以讀M.A. 丫....

仲有
今日PAUL講起話如果陽光直接入鏡會有D六角形的光點現O係鏡頭
咁可以用遮光罩
但D行家好少會用
通常都係用一隻手擋陽光 一隻手拎住部相機
導賞員︰「D攝影師隻手一定好大力架喇 唔知會唔會鴛鴦手呢
咁咪好似大力水手LOR...」(下省一萬字）

PAUL講ASSIGNMENT
在白板上寫要交
1. XXXXX
2. XXXXX
3. NEGATIVE
講左一輪 阿導賞員話︰「哦 原來NEGATIVE即係菲林」
會唔會唔知呀
會唔會係過份左少少呢...................

係呀可以話我好MEAN
但我頂唔順 SORRY

SOMETHING MORE

現在幾點：0042
你的全名：鍾靄婷
你現在正在聽誰的歌：陶吉吉
你最喜歡那位歌手的聲音: 陶吉吉 容祖兒
你在哪裡讀書(工作)：香港中文大學新聞與傳播學院
你最後吃的一樣東西是什麼：vit C again
現在天氣如何：非常潮濕
戴隱形眼鏡嗎：沒有啊
上一次生日蛋糕上蠟燭的數目：一枝
你通常吹熄這些蠟燭的日期：生日o個日lor...點呀
你們家養過什麼：魚
星座： 典型水瓶座
眼珠顏色：啡
你有刺青嗎：點敢
你喜歡你目前的生活嗎︰呢排都幾好丫
出生地：香港
目前居住地： 香港
去過哪些國家：中國中國中國
曾經出過車禍嗎：大吉利是喎
暗戀過幾個人：我諗唔算有
會因為害羞而不敢跟人告白嗎：會
喜歡的沙拉醬：千島
不敢吃的東西︰檯呀電腦呀鎖匙呀o個d
喜歡吃的東西：dark chocolate
喜歡喝什麼東西：蘋果綠茶
最喜歡的顏色：青
最喜歡的電影︰除左《家有囍事》應該都冇「最」
最喜歡的卡通人物或品牌：ahiru no pekkle
最懷念的日子：heidi寫「搞ocamp既日子」我差點哭出來啊 對 那是最好的日子
傷心的經驗︰俾人呃得好徹底
喜歡春.夏.秋,冬哪個季節： 夏
喜歡的花：casablanca
比過哪些比賽有得獎：我最記得係辯論
喜歡的冰淇淋種類：belgium chocolate (haagen daz)
最喜歡的電視台：TVB JADE
最討厭做的事：扮好PR
討厭別人做什麼：講大話
擅長的事：technical野 搬重野
以後想做什麼職業︰電影人
你覺得自己十年後會在哪裡：香港
無聊的時候你大多做些什麼：玩踩地雷
你住得距離最遠的一個朋友在哪：LA
世界上最惱人的事：後悔但又後悔唔唻
全世界最好的事︰一家人健健康康
對於沒把握的事情態度如何：諗餐死 但最後應該都唔會做
如果有人誤會你，你會： 勁憫
如果有人誤會你，又不聽你的解釋：超級勁憫 （唔係可以點）
有想過要怎麼對付你討厭的人嗎：有
如果你另一半硬要幫你出看電影的費用時：下次我俾
通常幾點上床睡覺：12-1點
現在心裡最想見的人是誰︰竟然係諗起嚴朗殷
今天心情好嗎：很好
有想過要自殺嗎：有
最想看誰回應：唔想失望喎

曉芝的生日&嘉蕙的風采

quoted from the OD of my dearest roommate

今晚有兩個重要ge任務，
分別要幫gigi預祝生日同埋幫linda farewell。
由蘇菲做統籌，分開節目部、禮物部、佈置&食物，oh~great！
我地使開gigi落火車站接linda，
跟住「呢埋」o係紫霞pantry d傢俬後面，熄左燈，
放左個蛋糕o係茶几，點著左支蠟燭。
點知...佢地唔識路行過左兩次先搵到pantry o係邊，haha~
佢地一推門我地就唱生日歌，
gigi聽到"happy birthday to gigi"之後，好驚訝我地原來同佢做生日，
佢淨係知我地幫linda farewell咋，
surprised!!!good good~
送左d好襯gigi ge禮物俾佢，仲有婷婷整ge貓貓生日咭。
食tiramisu生日蛋糕&pizza hut，yeah~
-----
跟住就展開第二部行動，
分開兩組，一組過志文大廳佈置，另一組就負責「運」linda過去。
我地二話不說突然熄左pantry d燈，迫linda坐低，再用婷婷條頸巾蒙住佢對眼。
跟住迫佢自轉左廿幾次，然後要佢自己搵路走出pantry。
等到佈置組ge同學準備好，我同婷婷就做人肉「撟」，俾linda坐上黎，抬佢過志文。
沿路有包包幫手開門，蘇菲影相，oh~good division of labour！
過到去我地準備好就叫linda「除眼罩」，
佢一解開條頸巾，就見到阿k精心設計ge「嘉蕙自由了」banner，
隔離仲有兩張麻原彰晃ge相、兩張linda自己ge相&ping pung kary ge相。
跟住我地就一齊唱左一首改編自「真我的風采」ge「嘉蕙的風采」俾佢聽，haha~
場刊由林綸綸負責，封面係linda同吳孟達ge合照，wow~
內頁有幾首同linda有關ge歌、今日ge流程同埋我地之前ge會議記錄。
今晚有幾個表演節目：
表演項目一：前滾翻！
表演嘉賓：包包、陳珍、婷婷同埋linda自己，haha~
表演項目二：婷婷用鋼片琴奏出一首「紅河谷」！
表演項目三：阿k彈手風琴！
各位同學果然多材多藝，厲害厲害！
送左一張由"dennis"設計ge咭俾linda，仲有文可透過呢張咭對linda表示ge愛意，wow~
當然唔少得送禮物ge環節啦：「黑人床單」，仲有蘇菲親手o係枕頭袋上面繡左「B&F」，
喻意Bitches & Friends！
-----
farewell完左之後我地十幾人就各自修行，
有人玩大富翁，有人睇「大長今」.....但係無論係做乜都係勁嘈！haha~
咁又玩左幾個鐘勒，
好開心！

呢排好懶打od.... 所以都係quote人算喇....

情留半天

開電腦上網 因為我想book保健處
但係竟然冇一個醫生有上午的available timeslot
好嬲....................於是我決定寫od 藉口...

今朝同糖去左蘭苑食早嬤銋篞末a唔想洗錢的我 唔想去
但係蘭苑早餐未食過喎
而且嘉吠話okay喎
咁okay okay 一齊去
嗌左磨菇奄列同埋煙三文魚厚多士
有人同個waitress姐姐講
「厚」三文魚厚多士 好似慌死人地俾塊薄三文魚咁lor 哈哈
對唔住 真係超級好食
個奄列係超好味 連普通一塊多士都特別好食
仲有即磨咖啡同奶茶 正
同埋o個度超有情調 食飽仲有勁多時間
於是勁hea左一陣吹吹水
然後埋單走 o係路口遇見屈智敏 佢又亂咁篤人喇 又係o個d位...

上堂...今堂好左...
上tutorial 分組 就唻要present喇...help...
早放左一堂
番宿叮左一個飯
食完再上art direction
今日都係照舊悶 我諗我好快會棄守呢個course
上完之後去左一個na can
我冇食野 只係坐左o係度
然之後趕落去ilc
因為要同同房睇戲
我地睇before sunrise
但係有人搭校巴唔記得落車
早知我唔使跑落本部

before sunrise 情留半天
話左想睇好好好好好耐 終於睇到
成齣戲係都係對白
男女主角不停地講野
記憶中只有一個刻意靜晒ge位
其他位都係勁講對白
唔.... 其實我覺得佢呢樣野係好真
一對情侶初邂逅 係應該咁雞啄唔斷
佢係拍到呢一個位 拍得好真
其實好鍾意o係音樂度聽黑膠碟o個一幕
好有壓迫感之下那種眉來眼去 超正
餐廳內扮打俾friend o個一場都拍得好正
仲有船上面沉默的一幕
兩個人答應只擁有一個晚上
其實都係怕之後會厭 怕所有浪漫感覺會冇晒
俾我揀我都揀一晚 我以後都會記得囧銗L 不過不失 我諗我未懂得o個種愛情gwa
結局看似係open end 但其實我get到一d野
get arm get錯 冇所謂

之後撞到多多同諾諾
番左宿 食左野 沖左涼 傾directing傾到而家
我勁想爆炸
但頭先好多騎呢位
例如文可唔再叫joseph而叫patrick

patrick佢話薛凱琪近排似heidi因為塊面包左

patrick原來同yumiko有過一段情
我話唔怪之得你唔揀張佬女仔
佢反問︰「你又知我唔揀？」

仲有一個爆笑位我唔可以講.... 否則命仔不保
而家我要訓
聽朝要晨早去睇醫生

蓮香生日會

星期三晚同萱萱搞生日會
原本諗住去泉章居 但係佢有位喎 叫我地去等
於是笙笙改訂左中環老牌茶樓「蓮香樓」
約左1915 o係中環地鐵站等
我買完禮物諗住搭船過海時 哥哥打俾我喎
講梗一d野時 後面有人拍我 竟然係李泳萱
好樣衰ge我當時拎左佢份生日禮物..............................
萱萱話最衰都係師兄
如果唔係佢上次教我地兩個搭$2.x ge船過海
我地根本唔會相遇....

去到中環join埋佢地
笙笙就去左搵間酒樓先 因為佢話唔記得o係邊...
根據佢ge instruction 我地要「沿住翠華的方向直行」
行呀行呀行 終於搵到
上到去真係超級懷舊
好快嗌左野食 但好耐都未唻
於是我地決定食蛋糕先
點知唔記得帶火機 於是問左隔離檯個姐姐借
因為全間酒樓d人都食梗煙 所以毫無難度

d野食 ... ok 啦 因為我之前食左野唔太餓食得唔多
但佢真係上得十萬個慢... 等到我地死左 勁催坉僮馱Uo係度講d 中學老師趣事
我同尤碧笙勁多貨
可能我地呢d學校比較怪gwa
9點幾離開 番沙田繼續玩
angy maggie都唻左
於是我+dordor+小東+wendy+angy+maggie
竟然o係新城市間delifrance玩起大話啤

angy勁低b
arm arm開始玩時佢問︰如果我冇咁點算呀
之後大家慢慢開始識玩
angy竟然多次 係多次
擺出唻ge牌數目同佢講ge係唔同!!
例如佢會嗌「5隻9」 但擺左4隻出唻
搞到我地要定一個規則
佢再犯的話就冇得出牌先
但佢繼續都係咁 好得人驚....

玩左好多舖之後我地終於頂唔順 決定番宿
哥哥番屋企
我地五個打的番中大 arm arm好

傳染病

我懷疑這個遊戲是傳染病

1.現在時間：00:15
2.你的中文名：鍾靄婷
3.你的英文名：Teresa
4.在網路上的化名：水瓶座
5.綽號：駱駝
6.目前居住地：沙田/將軍澳
7.實際上幾多歲？22 lu~
8.心理上幾多歲？23
9.如果你係日本人你個名會係？ 駱駝祥子
10.你喜歡你的中文名嗎？我覺得好聽 但可唔可以少dddddd筆劃呢
11.你出世果陣比你自己改名想叫咩? 一個少d筆劃ge名
12.而家聽緊咩歌? 我同房做梗功課ar ma
13.你最後吃的一樣東西是什麼：vit c
14.對上買的正版cd係咩？pingpung
15.曾經深愛一個人，深到讓你落淚：sure
16.曾經出過車禍嗎：上次o係珠海玩高卡車....勁炒
17.曾經因傷入過醫院嗎：冇 但bb時我家姐為左爬上床睇我而hum穿頭縫左三針
18.汽車喜歡兩門式的還是四門式的：四門 我鍾意mini cooper
19.凡咖啡也喜歡：我冇咁濫
20.喜歡的地方：講唔出
21.喜歡的襪子顏色：黑色
22.最喜歡的數字：7
23.喜歡地毯還是櫸木地板：木地板 但其實最鍾意磁磚
24.最喜歡的假期：暑假 因為唔會再有
25.呢一刻最鍾意的人是誰? ...
26.如果變成男生的話要做什麼? 問下有冇女仔會鍾意我 如果冇就即刻變番女仔
27.如果都沒人聽到，你想大叫：咁而家有人丫嘛
28. 最近最高興的事情是：朋友們為我辦的生日會
29. 最近最難過的事情是：冇喎
30. 最近最喜歡的男歌手：我鍾意陶吉吉的心不會變
31. 最近最喜歡的女歌手：...
32. 比你決定一個立刻收檔藝人：sorry但真係即刻諗到薛凱琪
33. 將來的夢想：我要做導演
34. 尊敬的人：爸爸媽媽
35. 你重色輕友嘛：冇色又如何重
36. 覺得今生最想去的地方：沙漠 因為我想探親
37. 地球滅亡的前一天要：希望佢唔好滅亡
38. 覺得blythe (B女)：似canny
39. 會把什麼類型的人當做是自己的對手：靚女 嘩哈哈哈
40. 最希望他消失的人：咁又冇
41. 第一次到xanga 的感想：麻麻
42. 最後一次到的演唱會: 陳小春
43. 如果讓你自由選擇的話：..
44. 生活中覺得最快樂的事：呢一刻我會話冇病冇痛 到真係冇時我只想日日見住屋企人同朋友
45. 生活中覺得最痛苦的事 : 呢一刻係病 到冇病時我諗會係 冇野做要狂hea
46. 認為自己最有魅力的地方：冇喎 sorry
47. 把自己比喻成什麼動物：有好多人識答
48. 你會想做阿嬌，定阿sa：我根本就係阿sa
49. 咁想做kenny，定steven：steven, 佢冇咁似女人
50. 鍾意吳日言，定薜凱琪多：兩個爛蘋果 我會揀唔食
51. 你認為自己是個值得交的朋友：of course 如果人地唔介意俾我鬧
52. 適婚年齡應該係：我重申 我係「打雷結婚 閃電離婚」之人
53. 你覺得自己有幾長命︰我唔想老
54. 印象最深刻的場所：gala premiere
55. 接受到同性戀嘛：y not
56. 在這封e-mail 前上一封是誰寄的：pen od+ gorgor od+ dordor od
57. 第時個仔/ 囡叫咩名：呢條問題好應
58. 現在離你最遠的朋友是：孫瑩馨
59. 你現在最想擁有：一份工作
60. 中左六合彩第一件事做咩：還債
62. 最令你煩惱的事：每個女人都有的
63. 隱形一個鐘會做咩：冇可能唔係去偷窺
64. 還愛你的前度男朋友嘛：o係邊？
65. 全世界最好的事：有人錫
66. 你的願望是：拍電影
67. 對上一次喊係幾時：好耐之前lu
68. 對上一次睇演唱會幾時? 日子唔記得喎
69. 最鍾意的書：人性的弱點
70. 開心的夢：有人鍾意我
71. 你係人生中最後悔係：成日都後悔
72. 你最信任的人：屋企人
73. 如果你聽日要死，你會最想做乜：番屋企
74. 到呢一刻為止，你認為邊個係影響你最大o既人: 何詠儀 本身唔敢講但冇所謂啦而家 反正你未必睇
75. 最近你最唔開心的事係咩：真係冇le
76. 你最討厭自己o的咩：冇膽
77. 信有外星人嘛：信
78. 有無發過明星夢：有
79. 最令你自豪的一次表現係：竟然諗起form 6 聯中
80. 你最鍾意o既人鍾唔鍾意你：唔lor
81. 喜歡和家人住，還是與朋友住，還是自己住：家人/同房
82. 比你選擇你想自己聰明定蠢：聰明
83. 究竟乜o野先叫愛：係咪玩野呀
84. 你著幾號鞋：38-39
85. 你有幾多知心朋友呀：數得晒ge
86. 今日天氣點呀：凍到震
87. 最喜歡的歌：校歌
88. 想成為...：電影人
89. 你而家最想搵邊個無見好耐的朋友食番餐飯：竟然諗起林宇慧
90. 朋友!你快樂嗎：sure!
91. 放假最鍾意做咩：o係屋企hea
92. 最想去邊度旅行：西藏
93. 跟男/女朋友相約，能等他多久: pen話「睇下我有幾愛佢」 good!!
94. 用顏色來形容自己：黑色
95. 小時候是個怎樣的孩子：百厭
96. 之後想理個怎麼樣的髮型：arm arm今日先整完ja wor
97. 有什麼 Fashion Style：casual
98. 現在幾點了: 00:37 今次ok快喎